89
+ IN NOMINE SANCTE ET INDIVIDUE TRINITATIS. Anno dominicae
incarnationis millesimo octogesimo. Presidente sanctae romanae ecclesiae reverentissimo
papa gregorio. Mense decembri. Indictione tertia. Ego goffridus
spinacioli dominus. corbi filius. divino ductus amore ob remedium animae meae
meorumque filiorum hac parentum obtuli perpetuo iure monasterio sancti
michahelis archangeli vultuani cui preesse cernitur leo venerabilis abbas
derelictam ab abbate suo sanctae trinitatis ecclesiam sitam in loco qui dicitur
catuna et villam que dicitur aqua tecta. et sanctae mariae in edera
sanctique egidii ecclesias. cum omnibus suis pertinentiis. finibus. territoriis.
cultis. incultis. pascuis. Silvis. Vineis. aquis. molendinis. presentibus atque
faventibus egregio duce robberto. domnoque desiderio abbate cassinensi.
reverendisque episcopis. balduino scilicet melfiensi. constante venosino. ursione
rapullensi. maio de monte viridi. venerabili sanctae trinitatis venosinae
abbate berengario aliisque honestis hominibus qui aderant melfiae in palatio
pontificali. quorum nomina ad huius oblationis corroborationem inferius
sunt descripta. Si quis vero quod futurum esse non credo aut ego ipse.
aut aliquis eredum meorum. vel qualibet alia persona huic oblationi quam
prelibato monasterio virga concessi contrarie temptaberit. compositurum se
auri purissimi centum libras cognoscat. medietatem camere lateranensi et
medietatem prephato monasterio. eumque regentibus.
Et ut haec oblationis chartula firmior habeatur melfiensis praesul cum
aliis pretitulatis rogatu meo sigilli sui impressione iuxta crucis signum
quod manu mea propria depinxi iussit insigniri.
+ Ego desiderius romanae ecclesiae presbyter et abbas montis casini
subscripsi
+ Signum crucis domni robberti ducis
+ Signum crucis manu propria depicta roggerii comitis filii robberti
ducis.
+ Signum sanctae crucis quod ego goffridus corbi filius ad huius corroborationem
oblationis quam pro remedio animae meae feci manu propria
depinxi.
90
+ Ego Balduinis melfiensis episcopus
+ CONSTANS PRESCRIPTUS EPISCOPUS S. SEDIS VENUSINE TESTIS
SUM
+ ego MAIONE episcopus MONTIS viridi subscripsi
|