140
+ IN NOMINE SANCTE ET INDIVIDUE TRINITATIS. ROGGRIUS
DIVINA FAVENTE CLEMENTIA dux romberti magnifici ducis heres et filius.
Si divinum cultum et sancte ecclesie honorem atque utilitatem debita
reverentia et ordine digno attendimus profecto circa sanctam dei ecclesiam
diligentissimam curam et solatium adhibere debemus. ut tanto nos superna
pietas gratius protegat quanto ferventius suam ecclesiam pro viribus
exaltari atque tueri sutagimus. Idcirco amore omnipotentis dei qui servilem carnem
sumere et crucis subire patibulum et mori non dedignatus est. ut nos
ab eterna morte liberaret. nec non pro salute anime suprascripti genitoris
nostri et genitricis nostre et statu nostre rei publice per interventum adele
dilecte coniugis nostre Concedimus. damus. et confirmamus. in monasterio
beati martiris Laurentii de aversa ubi nunc dominus Guarinus venerabilis
abbas preest. ecclesiam sancti iohannis de troia que est sita in monte capillonis
cum omnibus pertinentiis suis. et ipsum montem per hos fines. A parte
orientis est carbonarium castelli et sicut descendit in directum per unam
vallicellam et vadit directe supra burgum et descendit per medium burgum
in stratam maiorem. A parte meridiei est carbonarium vetus et ascendit
usque in verticem montis. et ex eodem latere montis descendit per vallem
maiorem usque in viam publicam. et sicut tenet via publica usque ad carbonarium
predicti castelli. Concedimus etiam terram nostre rei publice pertinentem
cum fonte que turricli vocatur. que habet hos fines. incipit a
limite qui est inter hanc terram et terram guidonis diaconi. et vadit secus
viam magnam publicam usque carrariam que venit de stafilo. et descendit
per predictam carrariam usque magnum limitem. et deinde vadit per limitem
et venit in monticellum qui est in fronte predicti limitis. et ab ipso
monticello ascendit et directe vadit in vallem parvulam et pervenit in iamdictum
limitem qui est inter hanc terram et terram guidonis diaconi et per
ipsum limitem vadit in predictam viam magnam. Simulque concedimus in ipso
monasterio totam causam quam Trostainus de mileto in troia a nobis tenuit
exceptis decem villanis et terram pro uno aratro et duabus casis. quas domine
fredelsende uxori gerey dedimus. Nec non et concedimus in predicto
141
monasterio terras infra troianos fines in matina que habent hos fines. Incipiunt
a vado tranense fluminis aquilonis et descendunt secus ipsum flumen
quinquaginta passos longe a flumine in parte versus sanctam mariam de fogia
usque in vadum tam . . . cis et per ipsum vadum protraunt ipsum flumen et
vadunt per . . . . . . . . fines filiorum ziti. usque viam que venit a sancta
maria de fogia que est inter has terras et terras filiorum petri iudicis. et
deinde vadunt secus predictam viam usque caput vallonis appii ubi secus
viam termini petrarum fixi sunt. et descendunt secus predictum vallonem
qui est finis terrarum supradictorum filiorum petri iudicis usque in pedem
arpi. et deinde in transversum recte vadunt in flumine burgani. et deinde
ascendunt per ipsum flumen usque vadum tranensem de predicto flumine
burgani. et inde in transversum vadunt per fines qui sunt inter troiam et
bacarizzam. et veniunt in flumine aquilonis. ad vadum tranensem. Concedimus
quoque et confirmamus in prephato sancto monasterio casale sancti
petri in balneo et casale sancte marie de oliva cum omnibus tenimentis et
possessionibus eorum et ecclesiis síbi subditis. Simulque confirmamus tibi
dompno Guarino venerabili abbati eiusdem monasterii et posteris tuis omnia
que Guarinus dominus salpi et Robbertus dominus baroli predicto monasterio
sancti laurentii de aversa dederunt et concesserunt. Concedimus etiam
et confirmamus Balesinianum cum omnibus possessionibus suis terris cultis
et incultis. olivetis. vineis. pascuis. per hos fines. a via videlicet que descendit
barum usque in montem supra ipsum balesinianum. Ab alio latere
per vallem episcopii barensis usque in terram Girri. et sic descendit usque
ad stratam magnam que vadit ad predictam civitatem barensem. Nec non
et sanctum nicholaum veterem de bitecto cum usu molendini. furni. et
trappeti. tam hominum nostrorum quam aliorum qui illic molere. coquere.
et machinare voluerint sine contrarietate nostra nostrorumque heredum.
seu successorum vel ministerialium aut exactorum. Et sanctam catherinam.
et sanctum petrum qui nominatur de dompna bassana cum omnibus possessionibus
eorum. Et sanctam mariam de cesano et sancta mariam de
balena similiter cum omnibus earum pertinentiis. Monasterium quoque sancti
nicholay de monopoli qui cognominatur de pinna cum pertinentiis et possessionibus
suis. et sanctum petrum in lacu iohannis. et sanctam mariam
in grama cum casali. et sanctum petrum in babaneo cum casali suo qui
142
nominatur fellinum. et sanctum nicholaum de casillo cum villanis et omnibus
eorum pertinentiis concedimus pariter et confirmamus. Simul etiam
sanctum aruncium de tarento cum omnibus pertinentiis suis. et ibidem quinque
piscatores videlicet Amicum filium fichinicarii. et lucam fratrem eius. et
maurum fratrem eorum. et Georgium filium podarii et angelum fratrem eius.
ut isti supradicti homines heredes et successores eorum liberam potestatem
habeant piscandi in mari parvo et magno. et terciariam et omnes consuetudines
quas nostre rei publice dare et persolbere debent in iamdicto monasterio
sancti laurentii absque nostra vel heredum aut successorum nostrorum vel
alicuius contradictione reddant libere et persolvant. Nec non et unam plancam
que fuit landonis predicte civitatis vicecomitis. in supradicta ratione concedimus
et confirmamus. Hos autem supradictos homines heredes et eorum
successores liberos in demanium monasterii et absolutos concedimus. ab omni
eos publico servitio liberantes. similiter concedimus in prephato sancto monasterio
casale sancte cenapure de policoro cum ecclesiis omnibus pertinentiis
sibi subditis et abbatiam sancte marie de churonofrio cum ecclesiis suis
et earum pertinentiis. et monasterium sancti angeli de fracxeneto cum
casali et ecclesiis sibi subditis. et sanctum donatum de belmonte cum casali
suo et sanctam mariam de turitto cum hominibus eorum possessionibus
et pertinentiis. Ad maiorem preterea tutelam et libertatem predicti
sancti monasterii concedimus ut ubicumque sint monachi . . . . . . . . . . . . .
in villis et civitatibus meis homines videlicet prephati monasterii nullas
penitus vendendi. vel emendi. consuetudines reddant neque sit aliquis de
exactoribus nostris qui supradictas consuetudines ab eis exigat. Concedimus
insuper ut si homines prephati monasterii aliquid forte foris fecerint non sit
aliquis ita temerarius vel audax ut eos sine clamore monachorum ad iustitiam
cogere presumat. Set predictis monachis prius proclamationem faciat et
per manus eorum et in curia eorum postea iusticiam habeat. Ea vero ratione
ut omnia suprascripta semper libere sint in dominio et potestate iamdicti
monasterii et abbatis et successorum suorum. Et pars ipsius monasterii
et predictus domnus Guarinus abbas et successores sui licenciam
et potestatem habeant in predictis terris. et in terris quas per civitates
opida. et villas aut hemptione aut offercione vel donatione quocumque modo
poterint adipisci. ecclesias edificare. casalia facere. homines affidare. molendina.
143
furna. et trappeta construere. vineas et oliveta et alia pomifera pastinare
ubi voluerint. Et neque a nobis vel a nostris heredibus seu successoribus
aut a nostris stratigotis iudicibus trumarchis vicecomitibus plazzariis
vel aliquibus ministerialibus seu nostre reipublice exactoribus aut
a quibuslibet hominibus quolibet tempore predictum monasterium et abbates
et successores sui de predictis terris et hominibus et de omnibus edificiis
que in eis fecerint aliquod contrarium habeant et neque a monachis vel
hominibus eorum affidaturam platheaticum vel aliquod datum tollant vel
aliquam angariam facere faciant. Si quis vero temerario ausu harum nostrarum
concessionum violator extiterit sciat se compositurum auri purissimi
libras quinquaginta. medietatem camere. nostre et medietatem parti
ipsius monasterii et he nostre concessiones firme et inconcusse permaneant.
Textum vero harum nostrarum concessionum scribere precipimus tibi grimoaldo
notario nostro et nostro cum tipario plumbea bulla bullari iussimus.
Anno dominice incarnationis millesimo nonagesimo secundo. ducatus autem
nostri septimo Mense mai indictione quintadecima.
+ EGO ROGERIUS DUX ME SUBSCRIPSI.
+ Ego adela dei gratia ducissa.
+ Signum guidonis fili roberti magnifici ducis
+ Signum buamundi
+ Signum Widelmi de broilo stratigote
+ Signum ubbaldi filii ildeprandi
+ Ego qui supra maldefridus iudex
+ ego petrus filius iohanne crispo
+ Ego alferi filio iobanne
+ Ego ildeprando oneste
+ Ego alferius cervuno
testes
|