218
+ In nomine domini nostri ihesu christi Anno salutifere ab Incarnationis
eiusdem Millesimo Nonagesimo quinto Regnante Sanctissimo adque
piissimo domino Alesio Imperatore mense Iulii tertia Indictione. Quoniam
Fratribus Venerabilibus locis manentibus et ibidem deo servientibus qui catholici
sunt per omnia subvenire debent. Visum est nobis Godinus horiensis
ecclesie Archiepiscopo una cum consensu fratrum nostrorum maiorum adque
minorum tradere ecclesia Sancte dei genitricis semperque virginis
marie que est sita in loco qui dicitur grana. et ecclesia sancti petri apostoli
que est in loco blandi et ecclesia sancti sebastiani de loco felline.
Similiter et ecclesiam sancti petri apostoli que sita est in loco babanie iusta
mare magnum Guarini Abbati monasterii sancti laurentii positum iusta civitatem
que dicitur adversa ut ibi fratres manentes et sine intermissione
deo horantes Aliquam substentationem corporibus inde habere possint unde
sincero animo bonaque boluntate concedimus in perpetuum tibi Guarini
abbati tuisque successoribus ipse prephate ecclesie cum omnibus earum pertinentiis
quomodo videtur habere vel in antea iuste accipere poterint per
manum prephati Archiepiscopi consensu vel successores nostros adversitate
et prophicuum ecclesie sancti Laurentii martiris. ea videlicet ratione ut omni
anno in festo dominice resurrectionis redatis nobis et successoribus nostris
ducatos auri unum et nichil aliud. Sed a presenti die in antea perpetuis et
futuris temporibus ecclesiis ipsis cum suis pertinentiis liberis et absolutis
permaneant absque omni contradictione nostra et nostrorum posterorum. ut
nec nos nec nostris posteris non habeamus potestatem ecclesiis supradictis
et eorum rectoribus excommunicare interdicere. nec ad sinodum vocare aut
aliquit ibi querere sed liberos at absolutos a nostris partibus maneant. et
vivant in suo arbitrio cum dei timore. Nam et si nos qui supra Godinus
Archiepiscopus aut nostris posteriores qualicumque adveniente tempore hec
omnia que supra declaravimus irritare vel retornare presumpserimus. aut
de cunctis rebus ecclesiis supradictis aut de earum offertionibus intus vel
foris subtraere quesierimus quocumque modo obligamus nos et successores
nostros dare centum solidos aureos in ipso sancto monasterio sancti laurentii
219
de aversa. et ad confirmandam huius scripti continentiam. propriis
manibus nostris pro firmitate earum subtus signavimus signo sancte crucis
et cum nostro sigillo plumbeo fecimus sigillari.
+ Godinus dei gratia Archiepiscopus.
+ Signum sancte crucis et manus mea hugo Renga.
+ Ego iohannes presbyter ita novi.
+ Signum sancte crucis et manus mea Guidelmus.
+ Signum sancte crucis et manus mea Giselbertus.
+ Helias archiadiaconus qui et presbyter hec miscemate firmatus.
|