Christe fave.
dei salvatoris Ihesu Christi Imperante domino nostro
Constantino magno Imperatore anno vicesimoseptimo sed romano magno
imperatore anno quartodecimo; die decima mensis februarii indictione
octaba neapoli: Certum est nos bonus hortulanus et eupraxia iugales filio et
nurua quidem ursi hortulanus qui nominatur pirindulu: A presenti die promptissima
voluntate: Venundedimus et tradidimus vobis basilio ferrario et
maria hoc est iugales filio et nurua quidem domini iohannis dudum ferrarii
et maiorarii modo vero monachi: Idest integra domum nostra posita in hanc
civitatem neapolis in regione balnei nobi cum inferioribus et superioribus
suis et cum aheribus et aspectibus et cum introito suo et omnibus eis pertinentibus
qui nobis obbenit per chartulas comparationis a quidem theodonanda
honesta femina et sergio genetrice et filio relictis et filio quidem
domini iohannis militis: et nos in portione tetigit a constantino hortulanus
et maria iugales germano et cognatis nostris per merissi divisionis sicut
ipsa merissi continet quam in presenti aput vos remisimus: quatenus per
coherentias vobis ea insinuavimus: de qua nihil nobis exinde remansit aut
reservavimus nec in alienam personam commisimus potestate: qui et coheret
sivi ab uno latere parte horientis domus et curticella memorati constantini
et maria iugales germanos et cognatis nostris qui eos a nos ipsos tetigit:
Ab occidente autem parte coheret bicus publicus per qua descendit aqua a
fistola: A septemtrione quoque parte est trasenda communalem: et a
parte meridiana est domucella ursi filius domini gregorii monachi: Ita ut
ha nunc et deinceps iamdicta domus nostra posita in memorata regione balnei
nobi cum inferioribus et superioribus suis et cum aheribus et aspectibus
et cum introito suo et omnibus eis pertinentibus quatenus per memoratas
coherentias vobis ea insinuavimus de qua nihil nobis exinde remansit sicut
superius legitur a nobis vobis venundata et tradita in vestra heredumque
vestrorum sint potestate avendi tenendi vindendi cedendi donandi commutandi
seu hedificandi et fabricandi et ascendendi sicut memorata merissi
continet quam superius aput vos remisi vel quidquid exinde facere volueritis
liberam semper abeatis po potestate: A nobis autem memorato bono
hortulanus et eupraxia iugales vel a nostris heredibus vel a nobis personis
summissis nullo tempore nullam exinde abeatis requisitione aut molestia
tam vos qui supra basilio ferrario et maria iugales quamque vestris heredibus
per nullum modum in perpetuum: Insuper nos et heredes nostris vobis
vestrisque heredibus ab omni homine omnique persona omni tempore antestare
et defensare promittimus in perpetuum pro eo quod accepimus a
vobis exinde in presenti in omnem decisionem seu deliberatione idest auri
solidos decem et septem bytianteos sicut inter nobis convenit: quod si
aliter fecerimus de hec que superius que a nobis vobis venundatum seu
promissum leguntur aut quovis tempore nos vel heredes nostris contra hanc
chartulam venditionis ut super legitur venire temptaverimus et in aliquid
offensi fuerimus per quolibet modum aut summissis personis tunc componimus
nos et heredes nostris vobis vestrisque heredibus auri libra una bytiantea.
et hec chartula ut super legitur sit firma scripta per manus
Iohannis scriptoris discipulo domini stephani curialis per indictione memorata
octaba +
Hoc signum + manus memorati boni et eupraxia iugales quod ego qui
memoratus pro eis subscripsi et memoratos solidos confiteor percepisse.
+ Ego iohannes filius domini stefani tribuni rogatus a suprascripto
iugale testi subscripsi et suprascripto solidos confiteor percepisse + . . . . .
. . . . . testibus iterum alia manus.
+ Ego petrus filius domini sergii . . . . . . alia manus.
+ Ego sergius filius domini iohannis . . . . . etiam et alias manus.
+ Ego stephanus curialis post subscriptionem testium et memorati
iohannis scriptoris discipuli mei manu mea propria complevi per indictione
memorata octaba . . . . . . seu et alias manus.
+ Ego andreas primarius et scriniarius curiae huius civitatis neapolis
hec exemplarie chartule comparationis memorati basilii ferrarii et maria
iugales sicut superius legitur ex authentica relevata et ad singula relectas
pro eius firmitate manu mea propria subscripsi +
|