100
+ IN NOMINE domini nostri iesu christi dei aeterni. Anno ab incarnatione
eiusdem millesimo octogesimo secundo. indictione quinta. Ego robertus
universorum dispositoris permissione dux apulie. calabrie. et sicilie.
una cum coniuge mea sikelgaita. et filio nostro rogerio. dedimus et sub
donationis testamento designavimus mense ianuario. ecclesiam sancti aroncii
de tarento. monasterio sancti laurentii aversano. et abbati eiusdem loci
roberto. et aliis secundum sancti benedicti regulam eiusdem predicte ecclesie.
iuste succedentibus. cum omnibus illis que ex nostra parte secundum
iusticiam dare et concedere sibi possumus. tam in terris quam in vineis.
mobilibus et inmobilibus. Preterea huic donationi superaddimus unam piscariam
que fuit landonis predicte civitatis tarenti. vicecomitis. Simulque
concedimus in ipso monasterio totam causam quam trostainus de mileto
in troia a nobis tenuit. exceptis decem villanis. et terra pro uno aratro. et
duobus casis quas domine fredelscende uxori georgii dedimus. Superaddimus
quoque huic donationi. ut per totam capitanatam. et apuliam. et maritimam.
atque calabriam. ubicumque obedientas prephatum monasterium
sancti laurentii habuerit. licenciam et potestatem habeat in suis possessionibus
ecclesias edificare. casale facere. et ibidem homines affidare. et vineas
et olibeta. et alia pomifera pastinare. et molendina facere. Et neque
a nobis aut a nostris heredibus vel successoribus. aut a nostris stratigotis.
iudicibus. trumarchis. vice comitibus. plazzaris. vel ab aliquibus ministerialibus
reipublice quolibet tempore predictum monasterium. et abbates.
et successores sui. exinde aliquod contrarium abeant. et neque ad villanos
aliquod datum tollant. vel aliquam angariam facere faciant. aut in causam
eos ducant. Si quis vero temerario ausu harum nostrarum concessionum
violator extiterit. sciat se compositorum auri purissimi libras quinquaginta.
medietatem camere nostre. et medietatem parti ipsius monasteri. et he
nostre concessiones semper firme et inconcusse permaneant. Textum vero
harum nostrarum concessionum scribere precepimus. Willelmo regiensis
ecclesie electo. et nostro cum tipario plumbea bulla bullari iussimus.
+ Ego Robertus dux me subscripsi.
101
+ Ego Sikelgaita dei gratia ducissa.
+ Signum guidonis filii Roberti magnifici ducis.
+ Signum Ubaldi.
+ Signum guidelmi de broilo.
|