+ In nomine domini dei salvatoris nostri Ihesu Christi Imperante domino
nostro basilio magno Imperatore anno quartodecimo. sed et constantino
magno imperatore frater eius anno undecimo. et iohanne magno imperatore
sed et anno quarto. Die septima mensis iunii indictione secunda
neapoli: Certum est nos gregorium calciolarium filium quondam . . . . . . .
et maru hoc est iugales: A presenti die promtissima volumtate promittimus
vobis domino iohanni venerabili igumeno monasterii sanctorum theodori et
sebastiani qui appellatur casapicta situm in viridario sanctaque vestre congregationis
monachorum. eo quod vos nobis licentiam tribuistis fabrire super
parietem vestrum qui est inter domum nostra parte horientis et inter
hortum memorati sancti et venerabilis vestri monasterii parte hoccidentis
hoc est ad mensura in altitudine pedes duos ad manum virilem et in eodem
parietem nos largistis ponere unde ex parte iam sternitum et coopertum
habemus et ex parte exinde . . . . . . . . . . mus sternere et cooperire ut
liceas nos illud sternere et cooperire . . . . . . . . tenientia cum ipsum quem
coopertum exinde habemus et grunda tectui que . . . et fecerimus exscoteremus
et haberemus a foris eodem parietem . . . . . . . . . . . . . . dium pedem at
manum virilem et ea bersare in eodem hortum vestrum pariter et in ipsum
sternimentum nostrum licentiam haberemus hostracumdare et a vos nec a
posteris vestris non haberemus exinde nos aut heredes nostris quacumque
requisitionem per nullum modum nec per summissis personis imperpetuum:
IDeoque nos promittimus vobis ut nos sic illud totum fabrire debeamus
usque ad tectum cum pretas et calce seu putheolanum ut nullatenus nos aut
heredes nostris in eadem domum nostra a partes hoccidentis et septemtrionis
habeamus fenestra aut doxicia vel qualibet foramen per nullum modum nec
in altum nullo modo . . . . . . . . . . . . damus nos aut heredes nostris plus de
memorata mensura nec ipsa . . . . . . . . a foris eodem vestrum parietem non
escotamus plus de memoratum medi . . . . . . pedem ad manum virilem. Quia
ita nobis complacui: Si autem nos aut heredes nostris quovis tempore contra
hanc chartulam promissionis ut super legitur venire presumserimus et
in aliquid offensi fuerimus per quovis modum aut summissis personis. tunc
componimus vobis posterisque vestris auri solidos viginti bythianteos: et
hec chartula qualiter continet firma permaneat imperpetuum: scripta per
manus iohanni curialis scribere rogavimus per indictione memorata secunda +
Hoc signum + manus memorati gregorii calciolarii et maru iugales
quod ego qui memoratos pro eis subscripsi et hoc memorati sumus ut si
vos aut posteris vestris in memoratum hortum vestrum domum vel casa
facere volueritis ibidem licentiam habeatis ponere in memoratum parietem
vestrum quantum volueritis. iterum si in ipsum hortum vestrum qui et ipsa
domum nostra est a parte septemtrionis domum vel casa facere volueritis
vos aut posteris vestris licentiam habeatis insuper licentiam habeatis ponere
in ipsum parietem nostrum quantum volueritis et si aliter fecerimus in memorata
poena subiaceamus +
+ ego iohannes filius domini aligerni presbiteri rogatus a suprascriptos
iugales testi subscripsi +
+ ego aligernus filius domini leoni rogatus a suprascriptos iugales
testi subscripsi +
+ [.................................................]
[................] +
+ Ego iohannes Curialis Complevi et absolvi per indictione memorata
secunda +
|