185
+ IN NOMINE DOMINI NOSTRI IHESU CHRISTI ANNO AB INCARNATIONE
EIUSDEM DOMINI NOSTRI IHESU CHRISTI MILLESIMO
NONAGESIMO TERTIO INDITIONE PRIMA.
EGO GAUSFREDUS. de conversano. gratia dei comes. quoniam crebris
titubacionibus mundanae fluctuationis allidor. ne navigationis meae in tot
ebullientes procellas naufragium paciar. in portum supernae tranquillitatis
ancoram meae navis oportet me collocare. Nam vox evangelica terribiliter
omnes nos excitat dicens. quia nemo potest duobus dominis servire. aut
unum odio habebit et alterum diliget. aut unum sustinebit et alterum contempnet.
oportet nos deo magis servire quam mamonae. et oculos cordis
ad sublimitatem divinae contemplationis erigere. Quia quicumque thesauris
mundanae conversationis delectatur. aeternae securitatis tranquillitate privatur.
His ammonicionibus aliquantulum excitatus. eternae epulationis aliqua
grana. in orreum coeleste. in aeternum victurum vellem. procurare: Scilicet
monasterium quoddam in statum monasticae religionis instruere. et cum hoc
diu mecum ruminarem. congruum visum est. ut consilium coniugis meae. Et
roberti filii mei admitterem. Et hoc aliquantulum nobiscum versantes. ut
ecclesiam sanctae mariae montis pilosi ad hoc eligeremus elegimus. Quam
scilicet ecclesiam sanctae mariae acherontinus archiepiscopus meo assensu
ecclesie sancti laurentii de aversa. et abbati eiusdem congregationis in cellam
concesserat. Et ego valde persistens in reperto consilio. abbatem eiusdem
sancti laurentii de aversa adivi. declarans rem quam cogitaveram per
ordinem. Multis ammonitionibus eum supplicans. ut de eadem ecclesia sanctae
mariae montis pilosi cambium a me reciperet et voluntati meae ad
hoc peragendum sollicitae non impediret: ad hoc ille abbas respondit. nisi
consilio urbani papae romanae sedis. et assensu conventus sancti laurentii
de aversa se non facturum. Quem ego rursus pernimium deprecatus sum
ut eumdem papam et conventum sancti laurentii perquireret. et quid consilii
inveniret mihi quamtocius notificaret. Qui strenue consultus. petitioni
meae satisfaciens ad me reversus est. et privilegium eidem ecclesiae sanctae
mariae. quod apud se habebat reddere fecit. At ego ecclesiam sancti nicholai
186
que sita est in monopolitana urbe. cum omnibus pertinenciis suis intus et
foris. in mari et in terra. stabile scilicet et mobile. ecclesiae sancti laurentii
de aversa concessi in cambium. ad faciendum omnes utilitates eiusdem ecclesiae
sancti laurentii. et abbatis eiusdem. successorumque eius libere. In
tali etiam libertate. ut neque ego. neque heredes mei. aliquam potestatem
auferendi aliquid vel inquietandi in eadem ecclesia vel in rebus eius suprascriptis
retineamus. Si vero aliquis temerario ausu. huius privilegii violator
extiterit. auctoritate dei et sanctae mariae. et sanctorum canonum.
sciat se innodatum vinculo excommunicationis. nisi semel. bis. aut ter. ammonitus.
infra quadraginta dies humiliter ad emendationem venerit. Hoc
ita stabilitum. et impressione sigilli mei roboratum. ecclesiae sancti laurentii
de aversa. concedo ad habendum.
+ ARNALDUS ACHERONTINUS ARCHIEPISCOPUS.
+ Signum propriae manus mee qui supra Guafredus comes de
conversano
+ Signum propriae manus mee Robberti predicti. comitis filius.
+ Signum propriae manus meae Rodulfus eiusdem dicti comitis filius
+ Signum propriae manus meae cartulanus.
+ Signum propriae manus meae Guillelmus Stratigota Rodulfi filius
|