208
+ IN NOMINE DEI Eterni et Salvatoris nostri Ihesu Christi. Anno
ab incarnatione domini Millesimo Nonagesimo quarto. Indictione secunda.
Cum Ego Rogerius Comes Calabrie et sicilie. pro dei amore. et anime mee
remedio. et pro salute anime Robberti Guiscardi fratris mei gloriosissimi ducis
Apulie et Calabrie. et pro remedio animarum fratrum meorum atque omnium
parentum et uxorum mearum. vellem dedicari facere ad honorem dei et
beate Marie et beati Iohannis baptiste. ecclesiam de heremo que sita est
inter Arenam et oppidum quod dicitur Stilum. super territorio dicti oppidi
stili per Venerabiles et sanctissimos patres. Panormitanum Archiepiscopum.
et Militensem Tropensem Neocastrensem Cataniensem atque Squillacensem
episcopos. collaudantibus eisdem sanctissimis patribus. dedi beato patri Brunoni
magistro eiusdem heremi sibi et successoribus suis. Monasterium sancte
Marie de Arsafia cum omnibus pertinentiis suis ubicumque sint. eximendo
eandem ecclesiam seu Monasterium de Arsafia ab hodierno die in antea
in perpetuum de omni temporali servitio et Turri ad que tenebatur oppido
meo de stilo. ut ecclesia de heremo et fratres in perpetuum illam quiete
habeant sine omni calumpnia. et sine temporali servitio. omni remoto tremari
et placario. et omnibus remotis infestacionibus. Hec autem donaria
ecclesie predicte de bosco. et fratribus ibi deo servientibus dotem dedi Adelayda
coniuge mea consiliante et laudante. Et concedente Goffrido filio meo.
Malgerio filio meo. quod Monasterium arsafie cappella mea erat exempta
ab episcopali Iurisdictione per sacrosantam Romanam ecclesiam. quod constare
feci predictis Archiepiscopo. et episcopis qui testes sunt huius donacionis.
Et testes sunt Iosbertus de luciano. Paganus de gorgis. Rogerius
bonellus. fulco cappellanus meus qui hec scripsit. Hec autem dedi testimonio
209
suprascriptorum testium. Et hii termini et limites sancte Marie de arsafia.
Videlicet ab arbore quercus ubi est lapis intrinsecus. que est inter duo Casalia
que dicuntur de Sancto Andrea. et per directum vadit ad vallonem.
et Inde assendit ad viam magnam usque ad flumen assy. Et descendit flumen
usque ad locum qui dicitur sylipa. Et inde accipit vallonem et senterium
grossum. ad terram cumerchi ubi est lapis rotundus cruciatis recte
ad pyastrum. Et per eundem senterium. ad caput vallonis sylipe. et inde
declinat per Vallem ad viam que descendit ad ferullusa. et ad Monasterium
Arsafie. Et inde per senterium ad Vivoneu. et ferit ad serram de monossillu.
et declinat ad vallonem qui dicitur monossillu. et descendit per eundem
Vallonem per antiquum senterium. usque ad vallonem de ferullusa. Et inde
per senterium ascendit ad serram. et inde descendit ad flumen matrimone.
et inde ascendit flumen et colligi senterium grossum ad locum qui dicitur
fassi ad magnum Vallonem. et inde circuit per senterium per caput criste
et circuit et descendit ad viam puplicam et ad vallonem qui descendit ad
flumen matrimone et inde ascendit per iddem flumen et per cristam vadit
ad terram sancte eufemie. et inde per senterium et per magnam cristam.
et descendit per ecclesiam quam fieri fecit Rogerius bonellus. et vadit per
senterium ad pluppa. Et inde ascendit per magnum vallonem et per pedem
montis Maturaldu. et per caput collis maroni descendit et circuit flumen quod
dicitur stilitanus. et inde per iddem flumen ascendit per magnam vallem.
et descendit ad arborem unde inceptum est. Cum duobus Casalibus interclusis
silicem de sancto Andrea et Roseti. liberis et exemptis ab omni comunitate
Casalium meorum de dicto oppido stili. Item locus qui dicitur
Apostoli cum duobus casalibus Bingi et Bubungi. similiter liberis et exemptis
ab omni comunitate casalium meorum de dicto oppido meo stili. Et
hii termini dicti loci Apostoli et hec sunt nomina eorum. Videlicet a scala
titani que incipit a Calabri. et transit recte ad magnum castellum. et inde
tendit ad strictum condo iohannis et ad fontem musi et ad rupem albam
et transit recte et pervenit ad porum de arethe. et vadit ad Monastirachi
sancti Nicolai et ad aquas calidas. Et transit magnum flumen et exit ad
locum qui dicitur finicas. et ascendit ad affantum et ad planum pomi. et
transit ad veterem aream ad erivitheres. et vadit recte ad fontem ponciatu.
et sic pergens magnam viam pervenit ad Scillastrum. et inde descendit ad
210
Vallonem magnum. et currit per ipsum vallonem. usque ad petracclam.
Et inde saliens claudit lachinam. sicque pertransit magnum flumen veniens
per ripam fluminis usque ad pannarum. et inde per vallonem peristeronas.
ascendit sursum ad tres aquas et ad veteres muros. et per dexteram catholichi.
conscendit in cacumen ardui montis. et ita per pedem castelli.
transendit ipsam arduam rupem. et inde tendit cristam cristam et transit
usque ad supradictam scalam. et concluditur. Item ecclesiam sancti fantini.
exemptam ab episcopali Iurisditione gyracii que ad eandem ecclesiam arsafie
pertinet que posita est in pertinentiis motterie in tenimento gyracii. cum omnibus
racionibus et pertinentiis suis. que sic dividitur. A Casali marmorum per
viam puplicam que descendit in flumen et vadit ad aquam sorelli. et inde
transit per sinorum qui dicitur Muy et ascendit per Vallem que dicitur
mugalipu. et inde vadit usque ad cristam marmorum. et inde descendit ad
vallonem alium qui dicitur rusclona. per divisas de mandilona usque ad
magnum flumen prothorau. deinde per ipsum flumen ascendit usque ad armum
albam. et ascendit in montem qui dicitur psilovuni. de quo monte
gyrat et descendit per vallem de castanea usque ad magnum lapidem vivum.
et rotundum qui est in flumine rubla. et inde per ipsum flumen. ad
vallonem de chirinu. et per ipsum vallonem ad terram rubram. et descendit
per vallem usque ad viam puplicam dicti Casalis marmorum unde inceptum
est. Item Casale arunchi in pertinentiis Civitatis Squillacii cum omnibus rationibus
et pertinentiis suis. sicut tenere et habere eadem ecclesia arsafie
consuevit. Hec autem omnia prenotata loca dono et concedo pro eadem
ecclesia in dotem domino patri Brunoni et successoribus eius. cum omnibus
rationibus. aquarum decursibus. Molendinis. Nemoribus et arboribus cultis
et incultis mineriis eris et ferri. et omnium metallorum. Pascuis. et omnibus
Iuribus que Ego et Curia mea habere hactenus consuevit. Ita ut nemo ibi
aliquid nisi dicta ecclesia heremi habeat. sicut ex nunc ibi nemo aliquid
iuris habuit nisi Ego. Item concedo eidem ecclesie heremi in reliqua terra
mea usum liberum mineriarum eris et ferri et pascua libera in eadem terra
mea pro animalibus eiusdem ecclesie atque custodum. nec non et eorum qui
in dictis Casalibus habitant. Concedo etiam ut dicta ecclesia heremi commendatos
habere possit in supradictis Casalibus. et locis. que eidem ecclesie dedi.
Nemo in supradictis locis suo vel meo nomine aut heredum vel successorum
211
meorum. presumat Ius aliquod prosequi vel habere nec Ego. Sed omnia conserventur
eidem ecclesie solida et intacta. Quia parvum est pro dei amore
suis tribuere famulis qui mihi multa prestitit larga manu. Si vero persona
aliqua filius meus aut aliquis heres seu successor hoc meum quassaverit donum
seu privilegium. michi vel posteris meis. aut Ecclesie Romane centum
libras auri persolvat. nisi ad condignam venerit satisfactionem fratrum ibi.
deo serviencium et perpetue subiaceat dampnationi. Hec autem acta sunt
mense augusti dum regressus essem de expeditione quam feceram super
Guillelmum. et ab obsidione Castreville. Et hoc meum privilegium ad perpetuam
firmitatem. Iussi et mandavi ac feci mea pendenti Bulla plumbea
communiri.
+ ROGERIUS COMES.
+ Adelais Comitissa.
+ Goffridus filius domini Comitis.
+ Malgerius filius comitis Rogerii.
+ Iosbertus de luciano.
+ PAGANUS DE GORGIS.
+ Rogerius Bonellus.
+ Ego fulco domini Comitis Rogerii Cappellanus. de mandato eius
hoc privilegium scripsi. et me subscripsi.
|