|
+ In nomine domini Vicesimo sexto anno principatus salerni domni nostri guaimarii
gloriosi principis, Et sexto anno principatus eius capue, Et ducatus amalfis, Et quinto
anno ducatus eius sirrenti, Et tertio anno suprascriptorum principatuum Et ducatuum
domni gisulfi eximii principis. Et duci filii eius, Et secundo anno ducatus illorum apulie
Et calabrie, mense iunius, duodecima indictione. Memoratorium factum a me iaquintus
de loco muntorum filius quondam petri, Eo quod ante subscriptis idoneis hominibus per
vona combenientia tradidit michi domnus alferius diaconus archipresbiter et abbas ecclesie
sancti maximi, qui constructum est intus anc salernitanam civitatem, de res pertinentes
ipsius ecclesie due pecie de terra, quod in beneficium retinet petrus diaconus
lius iohanni da pars ipsius ecclesie in iamdicto loco muntoru; una ex ipse pecie est terra
cum arbusto, ubi dicitur alle fosse; ipsa alia pecia in eodem loco que est terra cum abellanieto,
et iam de ante os annos ipse pecie retinuit per brebi ad lavorandum da pars ipsius
ecclesie roffrit filius maraldi, qui sine filium et filia mortuus est. Tali tinore, ut amodo
et semper, natos nascentes, ad mea, et de meis eredibus sint potestatis illut teneamus, qualiter
ex omni parte coniuncte sunt ad finem ipsius ecclesie, foveas et omnis nostre utilitatis
iusta ratione in ambe ipse pecie faciamus, et unde meruerit, ille clusem abeamus
et salbem ille faciamus, et apto tempore illut laboremus, et, ubi meruerit, arbores et vites et
abellanee Ibidem plantemus et propaginemus de vono vitineo et abellane, et sic illut totum
cultemus de super et de subter, sicut meruerit locis ipsis de vono arbusto et abellanietum,
ut proficiant et non dispereant et per omnis annum bonum pareat lavoratum et cultatum.
Et per omnis annum apto tempore tale ipse abellanee colligamus et seccemus, et per tempore
de vindemie semper scire faciamus pars ipsius ecclesie sancti maximi, ut ibidem dirigat
missum suum, et ego et meos eredes ipso arbustum bindemiemus et vinum ipsum ad
palmentum procuremus, et de omnis vinum et abellane et pomis quod inde fecerimus, medietatem
inde in pars ipsius ecclesie ibidem demus, tamen ipse abellane seccemus, reliqua
medietas inde nobis abeamus. Sortem ipsius ecclesie de ipso vinum per omnes annos nos
illut mittamus in organeo da vinum quod pars ipsius ecclesie nobis ibidem adsignaverit,
et ipso organeum semper nos conciemus et studiemus bonum, et reponamus in nostra mansione,
quam abemus in alia res ipsius ecclesie, et salbum ipso vinum faciamus, dum illut
inde tulerit pars ipsius ecclesie absque degeneratione et ingne: missum ipsius ecclesie,
dum per vindemie et pro ipsa frugia recipiendi ibidem steterit, nos illut nutriemus
secundum nostram possivilitatem, et demus ei per omnes annos palmentatica, sicut consuetudo
est per ipso locum; et de quod per annum in ipsa tradictione seminatum fuerit,
demus inde terraticum, sicut consuetudo est. Et quale tempore ipsa res tenere et lavorare
noluerimus, inclita suprascripta traditione bona lavorata remittamus in pars ipsius ecclesie,
et nos liceat inde exire cum omnem nostrum mobilem et ire ubi boluerimus. De
qua per combenientiam guadia michi ipse domnus abbas dedi et mediatorem michi posuit
basso clericus filius quondam iohanni; et per ipsa guadia etc. Statuta multa triginta auri
solidorum constantinianorum. Quam scripsi ego petrus notarius actum salerno.
+ Ego Alferus nominatus diaconus archipresbiter et abbas.
+ Ego petrus presbiter et primiclericus.
| |