+ In nomine domini dei salvatoris nostri ihesu christi. Anno ab incarnatione
domini nungentesimo octoagesimo octabo quam et sesto anno
principatus domini landenolfi excellentissimi principis. mense aprelis prima
indictio. Nec non et septimo anno domini adenolfi egregii archipresulis.
quo deo fabente sancte capuane sedis archipresul. consecratus est. Sicut
canonica continent decreta. nulli licitum est ubicumque construere quecumque
oratoria. absque notitia et licentia archiepiscopi. cuius diocesim subiacent.
nam omnes ecclesie cunctaque oratoria. in dicione debent esse archipresulis
in cuius diocesim esse videntur. Quamobrem nos prephatus adenolfus
archiepiscopus. tam archiepiscopali auctoritate fulti. quam precessorum nostrorum
secuti exemplar qui plurimas ecclesias liberas fecerunt. precatu auloaldi
archidiaconi nostri dilecti. cum consensu sacerdotum ac levitarum.
ceterorumque ordinum clericorum. per hoc nostrum roboreum preceptum
concessimus ut ecclesia quam tu domina aloara serenissima principissa. et
predictus dominus landenolfus magnificus princeps tuus filius vocabulo sancti
laurentii levite et martiris intus istam capuanam civitatem a novo fundamine
construcxistis. pro redemptione animarum vestrarum et domini paldolfi
principis et marchionis et domini landolfi principis et domini atenolfi
marchionis et domini paldolfi principis et domini laidolfi et domini
gisolfi. in qua etiam cenobium serborum dei preordinastis sit absoluta libera
amodo et deinceps. ab omni condicione archiepiscopalis dominationis
cum omnibus rebus et pertinentiis suis sive quas inferius declaramus sive
quas cocumque modo ad possessionem predicte ecclesie eius rectores adque
custodes acquirere potuerint set ex is que nunc possidet aliquas nominamus
inprimis ipsas terras et presas quomodo circumdat eas murus cum uno
pede extra ipsum murum appede de manu landonis seniori castaldei mensurato
in quibus presis ex predicta ecclesia constructa et mansiones ad
utilitate illic commorantium serborum dei simulque cum omnibus terris in
loco ferrunianu et cum omni parte de ecclesia sancti nazarii constructa in
predicto loco ferruniano seu et integris omnibus territoriis de loco ubi dicitur
vigintiquinque in finibus liburie quam et inclita sorte de terris et
silvis in via munda et inclitis territoriis de intus laneo in loco ubi dicitur
campora et terra foras ponte casulini arripa de ipsu carbonaru in qua nunc
ortus esse videtur et curte et terris in loco bitulacci ubi dicitur ad tutum
et ipsa curte de sancto stephano ad scola greca et ipso prato cum silba
sibi coniuncta et tribus molinis facta sunt in ipsa aqua de ipso saone in
monte marsico et ecclesia sancte fortunate que nunc destructa esse videtur
que olim constructa fuit iuxta lacum patriense cum viginti tribus modiis
de terris quas presas et terras et molina et pratum et silvas tu prenominata
domina aloara principissa per consensum et largietatem domini landenolfi
gloriosi principis et domini gisolfi filiorum tuorum in predicta ecclesia
sancti laurentii in qua deo auxiliante servorum dei cenobium ordinasti
offeruisti secundum ordinem quem continent offertiones eiusdem ecclesie
cum his etenim et cum aliis omnibus rebus sibi pertinentibus sit predicta
ecclesia absolute libera ut prediximus amodo et deinceps. ab omni condicione
archiepiscopalis dominationis quem ammodum nullo olim tempore quilibet
nostrorum successorum archipresulum seu sacerdotum. vel cuiuscumque
gradus clericorum in eadem ecclesia seu in illis ecclesiis que ei subiecte
fuerint sive quas rectores predicti cenobii in rebus iam fate ecclesie reedificaberint
vel construxerint nullam dominandi licentiam habeant vel censum
aliquem aut reditum exigat de eis vel de cunctis pertinentiis earum
nulique alteri ecclesie subiaceant. set in sola potestate abbatis seu rectoris
qui per vos et per vestros heredes in eadem ecclesia sancti laurentii in qua
monasterium deo iubante ordinatus fuerit cum integris suis pertinentiis eas
subditas esse censemus. eo quot predictum monasterium in proprio vestro
territorio construxistis. concedimus etiam prefate sancte ecclesie ut abbas
eiusdem loci eiusque congregatio publice pateat monasticum ordinem secundum
quod eis recte visum fuerit ad laudem dei ecclesias vero construere
et reedificare ut prediximus in rebus eiusdem cenobii absque omni nostra
nostrorumque successorum contrarietate vel molestatione construere et reedificare
licentiam et potestatem habeant. et episcopum quem voluerint producere
sive adeficandas ecclesias sive ad aliud quodcumque ad opus dei
amodo et inperpetuum potestatem abeant. oleum vero et crisma et firmatam
nos et posteri nostri nullo modo detinere vel contradicere sancimus.
et si abbas ordinandus in eadem ecclesia fuerit talis ibidem per vos et per
vestros heredes ordinetur qualem sibi congregatio elegerit nullam dationem
aut munera exinde recipientes et nos et posteri nostri gratis consecremus
eos. Quam quidem nostre absolutionis emunitatem. a nullo ex nostris remoberi
successoribus per deum omnipotentem simplum et trinum eiusque
omnes sanctos adiuramus. set hec libertas ita incorrupta et inbiolabilis permanead
ut a nullo unquam commobeatur aut dirrumpatur et neminem ex
his que in predicto monasterio conbersantur vel ex presbiteris qui in ecclesiis
eiusdem cenobii subiectis ordinati fuerint vel deserbierint non habeamus
nos aut successores nostri licentiam excommunicare quod si quispiam
presumptor dirrumpere hoc libertatis scriptum in primis inretimus
eum vinculo anathematis atque pro peracto scelere sciad se compositurum
auri purissimi libras viginti in predicto sancto cenobio et ut ab eis hoc
libertatis scriptum incunctanter credatur sigillo nostro continente intus imaginem
sancti stephani iussimus sigillari. quam videlicet libertatis absolutionem
tibi audoaldo subdiacono nostro scribere precepimus. nec non et propriis
manibus sacerdotes et reliquos cleros nostros se suscribere iussimus. et pro
confirmatione supradictorum omnium. secundum consuetudinem preceptorum
manu nostra subscripsimus.
Actu Capue in sacratissimo achiepiscopatu feliciter.
+ ego qui supra auloaldus archidiaconus ex iussione domini adenolfi
archiepiscopi me subscripsi
+ ego petrus diaconus ex iussione domini adenolfi archiepiscopi me
subscripsi
+ ego leo diaconus ex iussione domini adenolfi archiepiscopi me
subscripsi
+ ego toto archipresbiter ex iussione domini adenolfi archiepiscopi
me subscripsi
+ ego iohannes subdiaconus et primicerio ex iussione domini adenolfi
archiepiscopi me subscripsi
+ ego iohannes presbiter et primicerius ex iussione domini adenolfi
archiepiscopi me subscripsi
p. 80
+ Ego bonipertus presbiter ex iussione domini adenolfi archiepiscopi
me subscripsi
+ Ego iohannes subdiaconus ex iussione domini adenolfi archiepiscopi
me subscripsi
+ Ego leo subdiaconus ex iussione domini adenolfi archiepiscopi me
subscripsi
+ BENE VALETE.
|