264
+ In nomine sancte et individue trinitatis patris et filii et spiritus
sancti. Anno ab incarnatione domini millesimo centesimo. Indictione octava.
domino paschale romane sedis antistite. Ego Rogerius filius Riccardi filii neudonis
verbis domini et salvatoris nostri ihesu christi ammonitus dicentis in
evangelio. Thesaurixate vobis thesauros in celo ubi nec erugo nec tinea demolitur.
et ubi fures non effodiunt nec furantur. et prophete. Spera in domino
et fac bonitatem et inhabita terram et pasceris in deliciis eius. secutusque
vestigia patris et avi mei multorumque aliorum antecessorum meorum
concedo et offero deo et sancti laurentii Monasterio de aversa et domino
Guarino venerabili abbati suisque successoribus Monasterium sancti Felicis
situm in territorio castri geldonis cum omnibus ecclesiis sibi subiectis. et
cum universis que ad presens possidet. et in futuro acquisiturum est. scilicet
villanis animalibus cunctis terris. vineis silvis ad possidendum et uticumque
voluerit fruendum. in perpetuoque habendum pro redemptione anime
mee et pro salute patris mei Riccardi omniumque parentum meorum. cum
consensu et voluntate mee coniugis. ut predictum monasterium sancti laurentii
possideat omnia que supra dicuntur. ita ut a me vel ab heredibus
meis vel ab alia aliqua persona nullam vim et molestiam sustineat sed habeat
ea quiete omni remota inquietudine. Similiter concedimus et confirmamus
predicto monasterio Sancti Laurentii. Monasterium sancte marie quod
est positum iuxta civitatem que vocatur circe maior. quod pater meus eidem
cenobio cum ecclesiis sibi subditis. et omnibus suis pertinentiis. Eodem modo
ecclesiam sancti altissimi damus et confirmamus. Que monasteria cum omnibus
que habent vel habitura sunt. protegere adiuvare et defendere curabimus
ego et mei heredes. Quod si quis hoc beneficium a me datum et confirmatum
pro anima mea parentumque meorum Monasterio sancti laurentii
et abbati supradicto suisque successoribus et fratribus ibi deo servientibus
dissolvere. aut perturbare vel iniuste reclamare perversitate sua ausus fuerit
et hanc confirmationem nostram factam presentibus baronibus meis qui subter
scripti sunt. perturbare iniuste presumpserit. quinquaginta libras auri solvat.
265
medietatem nostre curie. et medietatem sancti laurentii monasterio. et hoc
scriptum inviolabile et firmum in perpetuum maneat.
+ Ego Rogerius filius Riccardi qui feci subscripsi et quod scriptum
est confirmavi.
+ Ego Hugo ridellus vidi et interfui et testis sum.
+ Ego Stephanus de insula vidi et testis sum.
|