39
+ In nomine domini amen. Anno dominice incarnationis millesimo sexagesimo
octavo et vicesimo nono anno principatus donni landulfi Gloriosissimi
principis mense decembris quarta indictione. Dignum est ut ea que
inter homines contrahuntur redigantur in scriptis ne propter memoriam
hominum que ad dilabendum facilis invenitur detur in posterum partibus
materie litigandi unde coram me Iudice petro Castri Casalfani pro eo
tempore eiusdem castri Iudice et Notario Robberto eiusdem castri puplico
notario et testibus infrascriptis rogatis inrogatis. licteratis et illicteratis. et
ad hoc specialiter convocatis. Nobles viri anihelo et raynaldus domini castri
casalfani bona et gratuita voluntate et pro redeptione animarum suarum
parentumque suorum adelberto venerabili abbati monasterii sancti petri in
planisio et conventui eiusdem pro parte et nomine dicti monasterii donant.
offerunt. et concedunt. Ecclesiam sancti Laurentii sitam in territorio castri
casalfani sine contradictione archiepiscopi benentani. archipresbyteri et clericorum
castri casalfani. sine contradictione eorum et illorum heredum et
sine cuiusque requesitione cum omnibus pertinentiis suis. terris. tenimentis
proventibus et redditibus ipsi ecclesie per confines inferius designatas in
perpetuum ad habendum. tenendum. et possidendum et usufruendum. tanquam
verus et legitimus dominus. habere. tenere et possidere. et usufrui
potest et debet. Fines predictorum sunt Hii. In primis dictam ecclesiam
sita est in loco qui dicitur planities sancti laurentii. cuius possesiones
confinant hiis finibus et mensuris. A capite est vinea domini simeonis et
per capud vinee cesarii et vadit per fines terre zorobabelli quam dedit
sancto Laurentio. et vadit per limitem ipsius usque ad capud vicende vallis
iohannis regii et vadit usque ad fontem de serra. deinde venit per
viam de supra et descendit per paludes et valle que sunt ultra russulam.
et deinde vadit intra laus . . . . . . . . . . . . . descendens in vallonem qui est
terminus inter territorium castri macde et territorium castri casalfani.
deinde venit usque in viam puplicam que vadit a castro casalfani ad castrum
macde et per ipsam viam venit usque ad locum qui dicitur vineales
et per capud de ipsis . . . . . . . . . . . . . . vadit usque ad caput vinee domini
40
dardani et inde venit per capud vinee gualteri de orlando et sic ipse finis
redit in priorem finem et extra confines praedictos petia una terre est in
loco qui dicitur altemmanni. ab una parte est terra mathei de rustico. ab
alia parte est terra magistri clementis. alia petia terre est in loco qui dicitur
macde. ab una parte est terra cesarii ab alia parte est terra de bernardo.
alia terra est in loco qui dicitur radeta sub via. ab una parte est
terra iohannis de matheo. ab alia parte est via publica. alia terra est in
loco qui dicitur ripa corvaria ab una parte est terra . . . . . . . . . . ab alia
parte est ipsa ripa corvaria quam dictam ecclesiam cum pertinentiis suis
tenimentis terris cultis et incultis proventibus et redditibus supradictis predicti
domini castri casalfani anihelo et raynaldus prenominato abbati et
conventui predicto pro parte et nomine dicti monasterii donant. offerunt et
concedunt libere et absolute sine sua heredumque suorum ac successorum
suorum contrarietate. Et ut hec chartula eorum donationis concessionis et
confirmationis firma et stabilis permaneat in perpetuum obligarunt se qui
supra anielus et raynaldus eam defendere et antistare et eorum heredes et
successores contra omnes personas inferentes molestiam eisdem ipsi qui si defendere
noluerint eorum heredes et successores aud hoc removere voluerint
componant quingentos soldos constantinos medietatem ipsorum regali curie
et alteram medietatem iamdicto monasterio cartula tamen firma et in perpetuum
valitura et predicti domini anyelus et raynaldus rogaverunt adelbertum
venerabilem abbatem prefati monasterii in cuius manibus hec. confirmarunt
ut ipsi vel eorum heredes aud eorum successores retornare aut removere
quesierit facerent excomunicationem. Ego qui supra adelbertus indignus abbas
cum omnibus fratribus nostris excomunicamus maledicimus atque anathematizamus
ex parte dei patris ei beate marie semper virginis et beati
michaelis archangeli et beati petri apostolorum principis et omnium sanctorum
omnes qui predictam confirmationem et donationem disrumpere
quesierit vel minuere temptaverit. et portio eius fiat cum iuda traditore
donec satisfecerit et emendaverit. Et ut huic scripture fides plenius habeatur.
Ego predictus iudex petrus de mandato et ad preces partium predictarum per
manus predicti notarii Robberti feci redigi hoc presens scriptum in puplicum
documentum. quod ego robbertus puplicus castri casalfani notarius mandato
dicti iudicis petri de voluntate et consensu partium utriusque partis
41
precibus et mandato scripssi et meo solito signo signavi actum in castro
casalfani sollepniter sub anno mense et indictione pretitulatis
+ Ego petrus iudex testis sum et signum + feci
+ Ego iohannes de nicola testis sum et signum + feci
+ Ego rao filius iohannis testis sum et signum + feci
+ Ego guillelmus de benedicto testis et signum + feci
+ Ego marinus de iacobo testis et signum + feci
|