205
+ IN NOMINE Dei Eterni et Salvatoris nostri Ihesu Christi. Anno ab
incarnatione domini. M.° Nonagesimo quarto Indictione prima. Cum Ego
Rogerius Comes Calabrie et Sicilie. pro dei amore. et anime mee remedio.
et pro salute anime Roberti Guiscardi fratris mei. gloriosissimi ducis Apulie
et Calabrie et pro remedio animarum fratrum meorum. atque omnium parentum
et uxorum mearum. vellem dedicari facere ad honorem dei. et beate
Marie. et beati Iohannis baptiste. Ecclesiam de heremo. que sita est inter
Arenam et Oppidum quod dicitur Stilum. super territorio dicti oppidi Stili per
Venerabiles Sanctissimos Patres Panormitanum Archiepiscopum et Militensem
Tropiensem. Neocastrensem. Catanensem. atque Squillacensem Episcopos. collaudantibus
eisdem sanctissimis patribus. dedi beato patri Brunoni magistro
eiusdem heremi sibi et Successoribus suis Monasterium Sancte Marie de
Arsafia. cum omnibus pertinentiis suis ubicumque sint eximendo eamdem
Ecclesiam seu Monasterium de Arsafia ab hodierno die in antea in perpetuum
de omni temporali servitio et Turri ad que tenebatur oppido meo de
Stilo ut Ecclesia de heremo et fratres in perpetuum illam quiete habeant sine
omni calumpnia et temporali servitio omni remoto tremari et platario et horum
omnibus remotis infestationibus. Hec autem donaria Ecclesie predicte de
Bosco et fratribus ibi deo servientibus dotem dedi. Adelayda Coniuge mea
consiliante et laudante et concedente Goffrido filio meo. Malgerio filio meo.
quod Monasterium Arsafie Cappella mea erat exempta ab Episcopali Iurisdictione
per Sacrosantam Romanam Ecclesiam quod constare feci predictis
Archiepiscopo et Episcopis qui testes sunt huius donationis. Et testes sunt
Iosbertus de luciano. Paganus de Gorgis. Rogerius bonellus. Fulco Cappellanus
meus qui hec scripsit. Hec autem dedi testimonio suprascriptorum testium. Et
hii termini et limites Sancte Marie de Arsafia. videlicet ab arbore quercus ubi
206
est lapis intrinsecus que est inter duo Casalia que dicuntur de Sancto Andrea
et per directum vadit ad Vallonem. et Inde ascendit ad viam magnam
usque ad flumen Assy. et descendit flumen usque ad locum qui dicitur
sylipa. et Inde accipit Vallonem et senterium grossum ad terram Cumerchy
ubi est lapis rotundus cruciatus recte ad pyastrum et per eundem
senterium ad Caput vallonis sylipe et inde declinat per vallem ad viam que
descendit ad ferrullusa et ad Monasterium Arsafie et Inde per senterium
ad Vivoneu et ferit ad serram de Monosillu. et declinat ad Vallonem qui
dicitur Monosillu et descendit per eumdem vallonem per antiquum senterium
usque ad vallonem de ferullusa. et inde per senterium ascendit ad
serram et inde descendit ad flumen Matrimone et inde ascendit flumen. et
colligit per senterium grossum ad locum qui dicitur fassi ad magnum vallonem
et inde circuit per senterium per Caput Criste et circuit et descendit
ad viam publicam et ad vallonem qui descendit ad flumen Matrimone et inde
ascendit per iddem flumen et per Cristam vadit ad terram sancte Eufemie
et inde per senterium per magnam Cristam et descendit per Ecclesiam quam
fieri fecit Rogerius bonellus et vadit per senterium ad pluppa. et inde
ascendit per magnum vallonem et per pedem montis Muturaldu. et per Caput
Collis maroni descendit et circuit flumen quod dicitur Stilitanus. et inde per
iddem flumen ascendit per magnum Vallem et descendit ad arborem unde
inceptum est cum duobus Casalibus interclusis scilicet de sancto Andrea et
Roseti liberis et exemptis ab omni comunitate Casalium meorum de dicto
Oppido stili. Item locum qui dicitur Apostoli cum duobus casalibus Vingi
et Bumingi. Et hii termini eorum videlicet a monte qui dicitur pungi ubi
erat guardia et vadit per medium duorum farnorum et descendit ad vallonem
stravorathi et inde descendit ad magnum flumen per iddem flumen ad pedem
montis qui dicitur melissara et inde vadit per vallonem et per tenera et ferit
ad portam Episcopii et inde venit per caput collis ad platam et inde circuit
per pedem magne Rocce ubi situm est oppidum ex superiori parte nemoris
et tendit ad siccum vallonem qui descendit de tramontana et inde
tendit ad sanctam Crucem que est in via publica. et inde vadit ad chartama
et inde per caput mendari ascendit ad carburcha et inde vadit ad sitit et inde
per serram usque ad montem sifachi et inde ascendit ad montem pugi unde inceptum
est. Item Ecclesiam sancti fantini exemptam ab Episcopali Iurisdictione
207
Gyracii que ad eandem Ecclesiam Arsafie pertinet. que posita est in pertinentiis
Agroncire in tenimento Gyracii cum omnibus rationibus et pertinentiis
suis. que sic dividitur a Casali marmorum per viam puplicam.
que descendit ad flumen. et vadit ad aquam sorelli. Et inde transit per
sinorum qui dicitur Muy. et ascendit per vallem que dicitur mugalipu. et
inde vadit usque ad cristam marmorum et inde descendit ad vallonem alium
qui dicitur rusclona per divisas de mendilona usque ad magnum flumen perthorati.
deinde per ipsum flumen ascendit usque ad armum album. et ascendit
in monte que dicitur psilovuni. de quo monte girat et descendit per vallem
de Castanea usque ad magnum lapidem vivum et rotundum qui est in flumine
rubla et inde per ipsum flumen ad vallonem de thirinu et per ipsum vallonem
ad terram rubram et descendit per vallem usque ad viam publicam
dicti Casalis marmorum unde inceptum est. Item Casale Arunchi in pertinentiis
Civitatis Squillaci cum omnibus rationibus et pertinentiis suis sicut
tenere et habere eadem Ecclesia Arsafie consuevit. Hec omnia prenominata
loca dono et concedo pro eadem Ecclesia in dotem domino patri Brunoni
et successoribus eius cum omnibus rationibus aquarum decursibus molendinis.
nemoribus et arboribus. cultis. et incultis Mineriis eris. et ferri et omnium
metallorum pascuis. et omnibus Iuribus que Ego et Curia mea habere
hactenus consuevis. Ita ut nemo ibi aliquid nisi dicta Ecclesia heremi habeat.
sicut ex nunc ibi nemo aliquid iuris habuit nisi Ego. Item concedo
eidem Ecclesie heremi in reliqua terra mea. usum liberum Mineriarum
eris et ferri. et pascua libera in eadem terra mea. pro animalibus eiusdem
Ecclesie atque Custodum nec non et eorum qui in dictis casalibus habitant.
Concedo etiam ut dicta Ecclesia heremi commendatos habere possit in supradictis
Casalibus et locis que eidem Ecclesie dedi. Nemo in supradictis
locis suo vel meo nomine aut heredum vel successorum meorum. presumat
ius aliquod prosequi vel habere nec Ego sed omnia conserventur eidem
Ecclesie solida et intacta. quia parvum est pro dei amore suis tribuere famulis
qui michi multa prestitit larga manu. Si vero persona aliqua. filius
meus aut aliquis heres seu successor. hoc meum quassaverit donum seu privilegium.
michi vel posteris meis aut Ecclesie Romane Centum libras auri persolvat.
nisi ad condignam venerit satisfactionem fratrum ibi deo servientium
208
et perpetue subiaceat dampnacioni. Hec autem acta sunt mense augusti dum
regressus essem de expeditione quam feceram super Wuillelmum et ab
obsidione Castreville. Et hoc meum privilegium ad perpetuam firmitatem
iussi et mandavi ac feci mea pendenti bulla plumbea communiri.
|