|
358
||Anstasius epicopus servus servorum Dei dilecto filio Rolando preposito ecclesię
sancti Donati Aret[inę] eiusque successoribus canonice substituendis in perpetuum||
In apostolicę sedis regimine divina disponente clementia constituti, necesse habemus un[iversis] ecclesiis paterna sollicitudine providere, et iustis postulantium desideriis clementer annuere. Quocirca, dilecte in Domino fili ROLANDE preposite, rationabilibus tuis pet[ition]ibus benignum prebemus assensum, et predecessorum nostrorum felicis memorię VICTORIS secundi, STEPHANI noni, ALEXANDRI secundi, PASCALIS secundi et EUGENII tertii Romanorum Pontificum vestigiis inherentes, predictam beati Donati ecclesiam, in qua prepositi officio, largiente Domino, fungeris, sub beati Petri et nostra protectione suscipimus et presentis scripti privilegio communimus. Donationes quoque et concessiones, confirmationes etiam, sicut rationabiliter a bonę memorię THEOBALDO,
HELPERTO, ALBERTO, ARNALDO et CONSTANTINO episcopis tibi tuisque successoribus factę
sunt, et que in privilegio venerabilis fratris nostri Ieronimi nunc eiusdem loci episcopi
legitime continentur, auctoritate sedis apostolicę tibi tuisque successoribus confirmamus,
et futuris temporibu[s perm]anere decernimus. Decimationes scilicet ex terra
illa quam tu et canonica sancti Donati per donationem imperatorum, regum, marchionum
et aliorum Dei fidelium legitime possidetis aut posthac iustis modis poteritis adipisci;
ordinationem, custodiam et alia que predecessores tui a tempore Iocundi prepositi in
plebibus aretini et senensis comitatus canonice habuisse noscuntur; quę sunt viginti et
una, quarum quatuor ad canonicam beati Donati spetialiter pertinent, cum omni iure
suo: videlicet ecclesia sancti Quirici in Osenna, sancti Viti in Corsiniano, ecclesia sancti
Victoris in Rapolano et sancti Iohannis in Vescona. Ad hec capellam sancti Clementis
in Monte Cercone, capellam sancti Salvatoris in Turre, capellam sancti Ansani in Zumuli,
capellam de Fossaceca, capellam sancti Ansani in Arbia, canonicam sancti Martini in
Rivomagno, capellam sancti Blasii in Cannuce, plebem sancti Petri in Creti, plebem
sanctę Christinę in Bacialla, capellam sancti Angeli, et quicquid canonica beati Donati
habet in Fercione, capellam sancti Angeli in Sicheo, capellam sancti Angeli in Castilione
capellam sanctę Marię in Petrognano, capellam sancti Iacopi in Mercato, capellam
sancti Donati in Pergognano, capellam sancti Laurentii in Broilo, capellam sancti
Donati in Montetino, capellam sancti Angeli de Prato, capellam sancte Agnetis in civitate Aretina, plebem sancti Stephani in Classe cum capellis et pertinentiis suis; oblationem altarium ecclesię beati Donati cum tribus partibus letaniarum, sicut in scriptis
Arnaldi et Constantini aretinorum episcoporum rationabiliter continetur. Preterea quod
super electione aretinorum episcoporum et super electione archidiaconi et primicerii etconfirmatione eorum in scriptis Ieronimi episcopi iuste et canonice statutum est, Aretinę ecclesie secundum consuetudinem Ipsius nichilominus confirmamus. Statuentes ut quascumque possessiones, quecumque bo[na] prefata ecclesia in presentiarum iuste et
canonice possidet aut in futurum rationabilibus modis, Deo propitio, poterit adipisci,
firma tibi tuisque successoribus et illibata permaneant. Decernimus ergo, ut nulli
p. 486
omnino hominum liceat prefatam ecclesiam temere perturbare, aut eius possessiones auferre,
vel ablatas retinere, minuere, aut aliquibus vexationibus fatigare, set omnia integra
conserventur eorum pro quorum gubernatione ac sustentatione concessa sunt usibus
omnimodis profutura, salva sedis apostolicę auctoritate et Aretini episcopi canonica iusticia.
Si qua igitur in futurum ecclesiastica secularisve pers[ona] hanc nostrę constitutionis
paginam sciens contra eam temere venire temptaverit, secundo tertiove commonita, si non
satisfactione congrua emendaverit, potestatis honorisque sui dignitate careat, reamque [s]e
divino iudicio existere de perpetrata iniquitate cognoscat, et a sacratissimo corpore ac
sanguine Dei et domini redemptoris nostri Iesu Christi aliena fiat, atque in extremo
examine districtę ultioni subiaceat. Cunctis autem eidem loco iusta servantibus sit pax
domini nostri Iesu Christi, quatinus et hic fructum bonę actionis percipiant et apud
districtum iudicem premia eternę pacis inveniant. AMEN, AMEN, AMEN.
(R) Ego Anastasius catholicę aecclesię episcopus ss. (M.)
†Ego Gregorius presbiter cardinalis titulo Calixti ss.
†Ego Guido presbiter cardinalis titulo sancti Grisogoni ss.
†Ego Hubaldus presbiter cardinalis titulo sancte Praxedis ss.
†Ego Manfredus presbiter cardinalis titulo Sancte Savinę ss.
†Ego Aribertus presbiter cardinalis titulo sancte Anastasie ss.
†Ego Iulius presbiter cardinalis titulo sancti Marcelli ss.
†Ego Hubaldus presbiter cardinalis titulo sancte Crucis in Ierusalem ss.
†Ego Guido presbiter cardinalis titulo Pastoris ss.
†Ego Octavianus presbiter cardinalis titulo sancte Cecilie s.
†Ego Astaldus presbiter cardinalis titulo sancte Prisce ss.
†Ego Gerardus presbiter cardinalis titulo sancti Stephani in Celio Monte Ss.
†Ego Iohannes presbiter cardinalis sanctorum Iohannis evangetiste titulo Lamachii SS.
†Ego Odo diaconus cardinalis sancti Georgii ad velum aureum ss.
†Ego Gregorius diaconus cardinalis sancti Angeti ss.
†Ego Guido diaconus cardinalis sancte Marie in Porticu ss.
†Ego Iacintus diaconus cardinalis sancte Marie in Cosmydyn ss.
†Ego Ymarus tusculanus episcopus ss. Ego Hugo hostiensis episcopus ss.
Datum Laterani per manum Rolandi sancte Romane ecclesie presbiteri cardinalis
et cancellarii II id. ianuarii, indictione secunda, incarnationis dominice anno M. C. lIIII,
pontificatus vero domni Anastasii IIII pape anno primo.
| |