310
+ In nomine domini nostri Ihesu Christi anno ab incarnatione sua.
Millesimo centesimo septimo indictione quintadecima in mense iunio. Ideoque
ego comes robbertus filius comitis robberti de laurotello bone memorie
dum haberem quoddam monasterium extra civitatem florentinam que est
in meo comitatu. iusta fluio que vocatur triolum edificatum in onore sancti
lupi. cum mihi congruum videtur eum guarino abbati de hecclesia sancti
laurentii que sita est iusta civitatem averse bona mea voluntate donavi
atque tradidi ut hecclesia beati predicti martiris laurentii ut venerabilis
abbas guarinus eiusque successores in perpetuum habeant et possideant ita
liberum et sine contradictione mea vel meorum heredum hac cuiuscumque
persone quemadmodum tempore guilelmi de nonanta abunculi iunioris guilielmi
liberius abuerunt et possederunt una ide et una nocte et hanc concessionem
et donum feci ego propter deum et pro redemptione anime mee
et parentum meorum ut supradictum monasterium cum omni sua pertinentia
sit in potestate et in dominio hecclesie beati laurentii et dompni guarini
abbatis et successorum suorum. ego vero a preposito hecclesie sancti lupi
supradicti vel ab hominibus casale eiusdem sancti lupi inhabitantibus aliquod
datum vel angariam immo etiam consuetudinem aliquam non exigam
nisi ipsi pro sua bona voluntatem aliquam benedictionem mihi dare aut
facere voluerint. Canonica auctoritatem ex parte dei omnipotentis et sancte
marie virginis hac petri apostolorum principis atque omnium sanctorum
excomunicamus et anathematizamus ut quicumque hanc cartulam irritam
facere voluerit in maledictione dathan et abiron in eternum permaneat nisi
digne penituerit. Et hanc cartulam donationis scripsi ego robbertus notarius
per iussione supradicti comitis lauritelli in civitate termoli feliciter
+ Signum crucis manus comitis robbertis supradictis
+ Signum crucis manus robberti comestabulo
+ Signum crucis manus ubberti filio graoberti
+ Signum crucis manus riccardi filio iohannis
|