|
+ In nomine domini vicesimo septimo anno principatus domni nostri gisolfi gloriosi principis,
mense octubrii tertia indictione. memoratorium factum a me dominicus filius ()
foretanus, eo quod ante subscribti testes laborandi ordine tradiderunt mihi petrus venerabile
presbiter et abbas rector ecclesie sancti maximi, et una cum adesset petrus castaldus filius
romoaldi, totam et inclitam curtem, que est terra cum arboribus vitatis, quem nominata ecclesia
habet in locum angre ubi proprio casamabile dicitur. unde per bonam convenientiam guadia
mihi ipsi predicti petrus abbas et ipse castaldus dederunt et mediatorem mihi posuerunt iochardus
filius iohanni de locum nuceria, tali ordine, ut amodo et usque decem expletos annos liceat me
nominata curtem inclitam ad meam tenere potestatem, et ibidem residere et habitare, et fovee et
omnis nostras utilitatem nos et nostris hominibus ibidem facere, et ante ipsum constitutum nullatenus
curte ipsa illis vel eorum heredibus aut posteriores ipsius abbati mihi tollere aut contrare,
et cum vice de via sua curtem ipsam inclitam usque ipsi anni decem da omnibus hominibus
mihi defensare et nos omnem annum curte ipsa suis temporibus laborare, sicut locus ipse meruerit.
et de que ibidem seminaverimus, daremus inde terraticum ad hominem, que partibus nominate
ecclesie ibidem direxerit secundum consuetudinem ipsius loci, et omnem annum per vindemie
tempore ipse petrus abbas dirigere hominem ad ipsa vindemia superesse, et nos temporibus
suis eos vindemiemus, et ipsum hominem habeamus ad nostra vibenda, dum ad ipsa vindemia
steterit, et vinum ipsum omnem annum per medium cum pars prephate ecclesie dividamus, et partibus
eidem ecclesie de ipsa medietate sua de predicto vinum sibi portaret tractoriam unam, et
ipso aliut nos eis portemus usque ad ipsi parieti sancti maximi de locum nuceria. nam si dei
iudicio infra ipsi decem anni ego superius dominicus fuero defunctus, potestatem habeat ipsa
uxor mea et filii nostris cum omnibus suis mobilibus et omnia sua causa de ipsa curte exire et
pergere ubi voluerit absque omni requisitionem et contrarietatem illorum et ipsius ecclesie. et si
dei voluntate ad ipsi decem anni ego superius dominicus vivus fuero, ut superius dictum est,
licentiam et potestatem habeam de nominata curte exire cum omnibus nostris mobilibus et causa
nostra sine omnis contrarietatem ipsorum et de eorum heredibus et nominate ecclesie. quod si
omnia que supra legitur, nobis non adimpleverit, obligaverunt se per eadem et suis heredes et
posteriores ipsius abbati ad componendum mihi meique heredibus decem aurei solidos constantinos
et omnia que prelegitur per imvitis in supradicta ratione nobis et ad nostris heredes adimpleret.
+ ego guiso subdiaconus et notarius interfui et hunc brebem scribsi
+ ego qui supra petrus presbiter et abba
+ ego ildericus subdiaconus et notarius me subscribsi
+ ego ioanne
+ ego benedictus.
| |