|
382
In Dei nomine. Anno dominice incarnationis MClXXV, Frederico serenissimo impeatore
regnante, mense martii, indictione VII. Quoniam rerum gestarum memoriam aboleri facile
temporum prolixitate contigit, tum nature imbecillitate tum desidia obviante, tum
temporis prolixitate abolente memoriam, idcirco satis utile est quod geritur litteris adnotari.
Quapropter cum castrum de Toppole fuisset captum ab Ugolino de Marciano et
recuperari non valeret nisi cum fortia et ausilio Aretine civitatis, venit Adanulfus prepositus
ante consules civitatis Bostolam, Ubaldinum, Rolandum Viviani, Arengerium,
cum comuni consensu canonicorum suorum, et quesivit iamdictus prepositus, cum quibusdam
de canonicis predictis, consilium et adiutorium de predicto castro recuperando
a predictis consulibus et civibus Aretinis. Ob quam causam finivit ac refutavit iamdictus
prepositus pro se et pro omnibus fratribus suis omnes querelas et querimonias,
per quas agere vel causare poterant erga predictos cives et burgenses propter malefitium
vel quasi malefitium illatum a predictis civibus vel burgensibus canonice sancti
Donati vel suis, pacem et finem tenere predictis civibus et hominibus burgorum eius,
qui modo sunt aut in antea fuerint; et quod nec per se nec per interpositam personam
ulterius, nec in curia aliqua nec extra curiam erga predictos cives et burgenses de cetero
acturum nec causaturum ex iniuriis predicte canonice illatis a predictis civibus et
burgensibus; et totam illam terram, quam nunc predicta canonica habet a Potia in illam
partem aut habuit in antea, dabunt canonici consulibus aretine civitatis qui pro tempore
fuerint, cum eis opus fuerit ad faciendum guerram et pacem quibus voluerint quandodcumque
petierint. Et hoc totum debent servare canonici et prepositus et facere servare
hominibus suorum castrorum ab hinc in antea pro posse eorum. Quod verum totum,
sicut supra legitur, tactis sacrosanctis evangeliis, iuravit iamdictus Adanulfus prepositus
servare et facere servare suis hominibus pro posse suo, et idem debere facere servare
omnes suos canonicos pro posse suo similiter. Et illud idem iuravit presbiter Ildibrandus
canonicus et Robertus, Marsilius et presbiter Iohannes de Toppole et Donatus et presbiter
Camerarius et presbiter Vivenzo et dominus Guido de Quarata et Moise, Cristoforus
et Anselminus et Berardus de Oliveto et Guido Mazulini et Leonardus de Tancredi
et dominus Bruno.
Actum est hoc in civitate Aretina feliciter, presentibus consulibus predictis et Paulo
de Struffo et Albericolo Albrigotti et Guidone Militie et Ubertino Rigoli et Ranuccio
p. 511
Petri Fantini et Rolandino Saxoli et Albericolo Rainaldi et Griffolino Rainaldi et Mazulino
et Bernardino Marchionis et domino Masario et Ubertino de Tancredi, aliisquam pluribus
presentibus.
Ego Niger iudex atque notarius interfui, et hec omnia scripsi et denotavi.
Ego Rolandinus Brandallie imperiali auctoriate iudex ordinarius et not. et nunc scriba
Comunis Aretii, predictum instrumentum ex autentico sumptum scripsi et fideliter exaravi, nichil
addendo vel minuendo quod sensum mutet vel intellectum, et ideo me subscripsi; et auctoritate et
licentia nobilis viri domini Ugucii de Casale Dei gratia potestatis Aretii publicavi predicta anno
Domini a nativitate Millesimo cclxxx, indictione VIII, ecclesia romana vacante pastore, die lune xxv
novembris, presentibus domino Tiberio iudice et assessore Comunis Aretii et dicti domini potestatis,
et Sturione et Amannato notariis et aliis testibus.
| |