248
+ In nomine domini nostri ihesu christi. anno incarnationis eius millesimo
nonagesimo octavo. Indictione sexta. Quoniam quieti et commodis fratribus
religiose viventibus omnes condecet auxilium impendere. precipue tamen
episcopos et religiosos viros auxilia sive protectiones impendere et subsidium
portare. et beneficia offerre iustum est. placuit nobis videlicet. Giraldo. venerabili
episcopo fratribusque meis canonicis Ingeranio archipresbitero. et
Petro presbitero. et presbitero dominico. et presbitero Hermolao et Iohanne
presbitero. et presbitero petro. Tibi tuisque successoribus Guarine. venerabilis
abbas cenobii sancti laurentii iuxta adversam positi. Quicquid in acerrano
episcopatu ecclesia tua detinet. Scilicet ecclesiam beati cononis. et ecclesiam
sancti angeli. et ecclesiam sancti severini. et ecclesiam sancti laurentii.
iuxta paludem positam et eisdem ecclesiis intus et foris pertinente
sive per se. sive per suos. in terris et in rebus retinere vel habere concedere.
permittere ad retinendum. et habendum adiuvare et defendere. et
quecumque deinceps predicte ecclesie vel tu vel successores tui. in iamdicto
episcopatu quocumque modo iuxte acquisiverit seu habuerit. promittimus
ego prephatus episcopus. et iam nominati canonici nostrosque successores.
episcopos et canonicos obtestamur in deo et per deum. et obligamus
hoc idem agere. custodire et observare. Idest iamdictas ecclesias et
res omnes sibi pertinentes tibi tuisque successoribus sancti laurentii abbatibus
adiuvare. defendere. et secum habere. Quapropter ego. Giraldus. et omnes
nos canonici. promittimus. obligamus et anathematis vinculo constringimus.
ut si hec que scripta sunt in omnibus non observaverimus. vel adimpleverimus.
non ut episcopi vel catholici. seu ut mendaces. et promissi
transgressores in conspectu dei et sanctorum angelorum quo . . . . . . et hominum
indubitanter demittimus et habeamus. Quod si requisiti que transgressi
sunt non compleverint et per penam anathematis nos nostrosque
successores. condempnamus. et a presentis comunionis ecclesia abicimus et
segregamus. Ideoque vos venerabilis abbas guarine. et fratres vestri quia
cenobium sancti laurentii semper dileximus et diligimus et hec amore dei
et vestrum hoc vobis concessimus et gratis permisimus. orationes et bonorum
249
nostrorum omnium nos partecipes esse speramus. Placuit tamen
nobis in obedienciae causa. et per vos. et per successores vestros amodo et
semper aecclesiae genitricis dei semper virginis Marie per nos successores
nostros per omnem annum in festivitate sancte Marie mense augusti debito
more offeratis quinquaginta tarenos.
+ Ego Giraldus episcopus acerranus subscripsi
+ Ego Ingeranius archipresbiter subscripsi
+ Ego Petrus presbyter subscripsi
+ Ego dominicus presbyter subscripsi
|