231
+ In nomine domini salvatoris nostri ihesu christi dei eterni. secundus
Riccardus divina ordinante clementia Capuanorum princeps pro redemptione
anime sue hoc clementer concessit et confirmavit. Notum sit fidelibus
dei presentibus et posteris. quod Ego secundus Riccardus gratia dei Capuanorum
princeps. ob salutem et remedium animarum principum Riccardi scilicet
avi et Iordanis patris mei et ob statum principatus mei. ob Concedo et confirmo.
monasterio Sancti Laurentii Levite et martiris christi sito circa muros
aversane urbis. et dompno Guarino eiusdem monasterii venerabili Abbati suisque
successoribus in perpetuum. videlicet. monasterium Sancti Laurentii constructum
in capua cum universis rebus et pertinentiis qualiter modo possidet
et dominatur et qualiter sibi quoquo legali modo pertinere videtur. et ecclesiam
Sancte Reparate. et Sancti blasii cum omnibus pertinentiis suis. et
unum molendinum quod est in vulturni flumine. et Guannerius dedit et
obtulit prescripto monasterio Sancti Laurentii. cum portu et cursu aquarum.
cum ripis et omnibus instrumentis eius. et medietatem de uno molendino.
in predicto fluvio quod iozzolinus dedit predicto monasterio. similiter
cum omnibus instrumentis suis. et ecclesiam sancti petri sitam ante
predictum monasterium Sancti Laurentii. et Burgum eiusdem ecclesie qui
est situs in ortis et terris quas Hugo blancus dedit eidem monasterio in ea
securitate et libertate sicut continetur privilegio quod iordanus princeps
pater meus. fecit et concessit prefato monasterio. et Ecclesiam Sancti Nicolai
que est in saone. in territorio calme. cum terris et hominibus et molendinis
et cursibus aquarum qui sunt in saone et circa saonem. quod
Guillelmus de alno dedit prescripto monasterio cum omnibus suis pertinentiis
qualiter monasterium modo possidet et dominatur. et terras et homines
et molendina et cursus aquarum que sunt in loco montanarii que predictus
Guillelmus dedit monasterio cum omnibus suis pertinentiis qualiter
monasterium ea modo dominatur. et Nepotes presbyteri Leonardi cum terris et
omnibus suis pertinentiis qualiter predictus Guillelmus de alno eos tenuit et
dominatus est. et prenominato monasterio dedit. et Ecclesiam Sancti Andree
que est in calmo cum suis pertinentiis. et Ecclesiam Sancti Andree que est in
232
territorio suesse. cum omnibus que modo possidet et dominatur et que ei
pertinent. et Ecclesiam Sancte Marie et Sancti Iohannis que sunt in territorio
miniani. quas Ugo sorellus dedit et optulit ospitali predicti monasterii cum
omnibus ad eas pertinentibus. et monasterium Sancte Crucis quod est in
territorio Caiazie. cum omnibus suis pertinentiis. et casale qui dicitur marzanum
frigidum cum hominibus et omnibus suis pertinentiis. et Ecclesiam
Sancti Martini de magdalone. et Ecclesiam Sancte Marie de Iuliano. cum
hominibus et omnibus suis pertinentiis. et Ecclesiam Sancte Marie de spelunca.
et Ecclesiam Sancti Salvatoris de vallo. et Ecclesiam. Sancte Marie
de domicella. et Ecclesiam Sancti Angeli de Lauro cum hominibus et cum
omnibus earum pertinentiis et cum decimatione Nucerie de annona. et de
vino. de fructibus et de animalibus. et Ecclesiam Sancti Cononis. et Ecclesiam
Sancti Severini que sunt in Acerra. et Ecclesiam Sancti Laurentii
que est in territorio Suessole et Acerre. in pantano scilicet iusta boscum.
cum omnibus earum pertinentiis et terras et villanos quos Rainulfus de
Argentia dedit predicto monasterio in territorio Acerre. et Casollam. et Ecclesiam
Sancte Marie cum villanis et pertinentiis suis. sicuti predictos patres
meos et ego ipse dedimus predicto monasterio. et monasterium Sancti Vincentii
cum hominibus et omnibus suis pertinentiis et duo molendina que
sunt in Laneo ad pontem silicis. et sex villanos quos Omfridus de Calvo
iamdicto monasterio dedit. et unum molendinum pertinens monasterio quod
est ad Calabrizitum in aqua Lanei. cum omnibus pertinentiis suis et predictis
villanis et molendinis pertinentibus et presbyterum marium qui est
in villa Gariliani cum tota familia sua et cum omnibus suis pertinentiis
qualiter tenuit Riccardus filius Gunduini qui dedit monasterio. et Ecclesiam
de Nobile et terras et villanos sicut princeps Riccardus dedit monasterio.
et decimationem de Rampale quam uhardus de Claromonte dedit monasterio.
et terras et villanos qui sunt in loco piponis sicut Raynaldus filius
Ugonis dedit monasterio. et monasterium Sancti blasii quod est prope
prescriptum monasterium. cum hominibus et omnibus sibi pertinentibus.
et startiam que dicitur de Ceraso quam heredes Ugonis blanci dederunt monasterio
et ortos et curtisanos qui sunt prope muros averse. sicut Ugo
blancus dedit monasterio in quibus prefatus burgus situs est. et viridiarium
quod est iuxta foris de die sabbati et lacum patriensem cum luntribus et
233
paratis et piscationibus et universis pertinentiis suis sicut pater meus et
ego tenui et dominati fuimus et quicquid iure pertinet monasterio antiquitus
in canalibus et in toto lacu patriensi. et Ecclesia Sancti Renati qui in vico
cupuli cum omnibus pertinentiis suis sicut sangualo dedit monasterio et Ecclesiam
Sancti Angeli de monte christi cum silva et omnibus sibi pertinentibus
et terras de Gualdo patrie. quas Rainulfus brioto dedit monasterio. Hec omnia
prescripta que dudum pater meus et ego insimul prescripto monasterio
per privilegium dedimus. concessimus. et confirmavimus. Nunc iterum ego
ipse firmiter in perpetuum predicto monasterio. do. concedo. et confirmo.
per hoc meum principale scriptum. et adibeo Ecclesiam Sancti severini. et
Sancti Cononis que sunt ut predixi in Acerra. et Ecclesiam Sancti Laurenti
que est in territorio Suessole. et Acerre. in pantano scilicet iuxta boscum
qui dicitur de mareglano cum hominibus et universis pertinentiis earum
ut predixi. Iterumque do. concedo. et confirmo. prescripto monasterio omnia
que post obitum patris mei et in tempore mei dominatus. acquisivit
monasterium Sancti Laurentii videlicet totum dotarium alferane que fuit
uxor quondam Robberti de sancta obremunda. terras scilicet que est in
zampicari et villanos. et terram de centora. et Ecclesiam sancti viti que
est in loco spanguati cum universis pertinentiis suis. et terras et villanos
hereditaneos cum hereditate eorum cum centum modios terre quos ingerbaldus
cum licentia comitis Ugonis domini sui in predicto monasterio dedit.
ego nunc do. concedo. et confirmo omnino qualiter predictus Ugo comes
per cartulam predictam Ecclesiam Sancti Viti et villanos in predicto monasterio
Sancti Laurentii dedit. et tres villanos quos Robbertus filius Turstayni
in annone meo concessu predicto monasterio dedit. et centum modios
terre qui sunt in territorio cancie quos Erbertus bardone qui a me
illos tenebat predicto monasterio meo concessu obtulit. et Nolitum cum
villanis et terris qualiter Raynaldus musca in predicto monasterio dedit. et
quinquaginta modios terre in gualdo quos ipse Raynaldus musca in predicto
monasterio dedit. et Ecclesiam Sancte Marie que vocatur capella
que est prope madalonem cum universis suis pertinentiis. et villanos omnes
cum hereditate eorum qualiter Gerbaldus meus cappellanus in predicto monasterio
optulit. et cripta que vocatur fornicara cum monte cervino sicuti
vadit via que cernit hunc montem ab alio monte. et Ecclesiam. Sancti
234
Iohannis que est in territorio cibali. ubi dicitur ad plescum. cum beneficio
suo. et terram quam ioffridus fexardus in predicto monasterio meo concessu
dedit. et terram quam Rao de pirollo in predicto monasterio meo concessu
dedit: duos villanos meos cum tota hereditate et familia eorum. nomen uni
palumbo cayrusus. et nomen alii Iohannis alamanus. et bantium petia panis
cum tota hereditate et familia sua. quam Robbertus de ponte indulfi monasterio
predicto dedit. et sex modios terre quos. mater aymonis de argentia
cum licentia predicti aymonis sancto Laurentio dedit. que fuit prope
ecclesiam eandem sancti Iohannis. et hereditatem que fuit quondam petri
maraldi quam pater meus in predicto monasterio dedit. et hereditates Iohannis
franki et muski. qualiter predictum monasterium possidet eas. et quadraginta
modios terre quos Rogerius de sancto severino optulit in predicto
monasterio qui sunt ad casa paci et startiam que est ad duplum quod Thomas
de venabile in predicto monasterio dedit. et viginti tres modios terre
qui sunt in gualdo. et Ihon filius ermenloth cum licentia mea et Robbertus
de ponte indulfi predicto monasterio dedit. et septem alios modios terre in
forignano piczulu. et novem modios terre qui sunt ad ceraso. quos ipse
predictus ihon prefato monasterio dedit. Ita quod medietatem offeruit et de
medietate excambium suscepit cum licentia Robberti et mea. et omnes alias
terras cultas et incultas. et omnes homines et res mobiles et immobiles.
quos monasterium Sancti Laurentii. et eius rectores tenuerunt et dominati
fuerunt tempore Avi scilicet et patris mei et nunc tenet. et omnia que deinceps
adquirere iuste et regulariter potuerint ad possessionem et potestatem
et dominationem predicti abbatis et omnium successorum suorum et ordinatorum
et rectorum prefati monasterii Sancti Laurentii. remota omni contrarietate
et molestia omnium mortalium. preterea. do. concedo prefato
sancto monasterio et dompno Guarino venerabili abbati eiusque successoribus
ut habeat plenam potestatem per omnia prescripta loca ordinare. et statuere
iudices quos voluerint. Quod si quis diabolica persuasione compulsus hoc
scriptum violare irritumque facere presumpserit mille auri libras persolvat.
medietatem nostro palatio et medietatem predicto Abbati et successoribus
suis et rectoribus suprascripti monasterii eisque solutis hoc scriptum firmum
et inviolabili maneat in perpetuum. et ut firmius credatur et diligentius ab
omnibus observetur. manu propria subscripsi. et meo sigillo iussi sigillari.
235
Horum omnium supradictorum tutor et defensor contra omnes hostes existo
prout possem meum est.
+ signum domini secundi Riccardi gloriosissimi magnifici principis
+ Guillelmus de pirolo
+ Thomas de venabili
+ Raynaldus Lopinus
+ Robbertus frater principis
+ Stantio vice principis
+ Ioffridus de ponte indulfi
+ Gervasius
Ex iuxione prephate serenissime potestatis scripsi ego quiriacus Iudex.
In anno dominice incarnationis. millesimo nonagesimo septimo et septimo
decimo anno principatus ipsius dompni secundi Riccardi gloriosi principis
capue: Datum quinto kalendas septembris. per V. Indictione.
|