144
+ IN NOMINE SANCTE ET INDIVIDUE TRINITATIS. ROGERIUS
divina favente clementia dux roberti magnifici ducis heres et filius. Si divinum
cultum et sanctae ecclesiae honorem atque utilitatem debita reverentia
et ordine digno attendimus profecto sanctam dei ecclesiam diligentissimam
curam. et solacium adhibere debemus ut tanto nos superna pietas
gratius protegat quanto ferventius suam ecclesiam pro viribus exaltari atque
tueri satagimus. Idcirco amore omnipotentis dei qui servilem carnem sumere
et crucis subire patibulum et mori non dedignatus est ut nos ab eterna morte
liberaret. nec non pro salute animae suprascripti genitoris nostri et genitricis
nostrae et statu nostrae rei publicae per interventum Adelae dilectae coniugis
nostrae concedimus et confirmamus in monasterio sancti martiris Laurentii
quod constructum est in aversana civitate. ubi nunc deo tuente dominus Guarinus
venerabilis abbas preest. basilinianum cum omnibus pertinentiis suis.
terris cultis et incultis. olivetis vineis pascuis per hos fines. a via videlicet
que descendit barum usque in monte supra ipsum castellum balisiniani.
ab alio latere per vallem episcopii barensis usque in terram grifi. et sic descendit
usque ad stratam magnam que vadit ad predictam civitatem barensem.
et sanctum nicolaum de bitecte cum usu molendini et tarpiti. et
sanctam caterinam cum omnibus pertinentiis suis. et sanctum oruntium de
tarento et quinque piscatores. tres ex ipsis cum duobus lintris in mari magno
et parvo et quartum cum lintre uno in mari magno et parvo. et quintum
cum una planca. et sanctum iohannem de troia qui est situs in monte
capillonis cum omnibus pertinentiis suis. et ipsum montem per hos fines.
A parte orientis est carbonarium castelli et sicut descendit in directum per
unam vallicellam et vadit directe supra burgum. et descendit per medium
burgum in stratam maiorem. a parte meridiei est carbonarium vetus. et
descendit usque in verticem montis et ex eodem latere montis descendit per
vallem maiorem usque in viam puplicam et sicut tenet via puplica usque
ad carbonarium predicti castelli et sanctum nicolaum de monopoli cum
omnibus pertinentiis suis. Concedimus etiam terram nostre rei publice pertinentem
cum fonte que torricli vocatur que habet hos fines Incipit a limite
145
qui est inter hanc terram et terram guidonis diaconi et vadit secus viam
magnam puplicam usque carrariam que venit de staphilo et descendit per
predictam carrariam usque magnum limitem. et deinde vadit per limitem
et venit in monticellum qui est in fronte predicti limitis. et ab ipso monticello
ascendit et directe vadit in vallem parvulam et pervenit in iamdictum
limitem qui est inter hanc terram et terram guidonis diaconi. et per ipsum
limitem vadit in predictam viam magnam. Simulque concedimus in ipso monasterio
totam causam quam trostainus de mileto in troia a nobis tenuit exceptis
decem villanis et terra pro uno arato. et duabus casis quas domine
fredelsende uxori geroy dedimus. Confirmanus quoque et concedimus tibi
domino guarino venerabili abbati eiusdem ecclesiae et posteris tuis pro parte
et vice ecclesiae tuae omnia que guarinus dominus salpi et robertus dominus
baroli dederunt et concesserunt monasterio vestro. Ea ratione ut omnia
suprascripta semper libere sint in dominio. et potestate iamdicti monasterii
et abbatis et successorum suorum. et pars ipsius monasterii. et predictus
dompnus guarinus abbas et successores sui licentiam et potestatem habeant
in predictis terris ubi voluerint aecclesias edificare et casalem facere. et
homines affidare et vineas et oliveta et alia pomifera pastinare et molina
facere infra predictos fines ubi voluerint. Et neque a nobis vel a nostris
heredibus successoribus. aut a nostris stratigotis. Iudicibus. turmarchis. vicecomitibus
plazzariis. vel aliquibus ministerialibus rei publice seu quibuslibet
hominibus quolibet tempore predictum monasterium et abbas et successores
sui de predictis terris et villanis et de omnibus edificiis que in
eis facienda sunt aliquod contrarium habeant et nec ad villanos aliquod
datum tollant vel aliquam angariam facere faciant. Si quis hanc temerario
ausu harum nostrarum concessionum violator extiterit sciat se compositurum
auri purissimi libras quinquaginta medietatem camere nostre. et medietatem
prephati ipsius monasterii. et he nostre concessiones semper firme et inconcusse
pemaneant: Textum vero harum nostrarum concessionum scribere
precepimus tibi grimoaldo notario nostro et nostro cum typario plumbea
bulla bullari iussimus. Anno dominicae incarnationis millesimo nonogesimo
secundo. ducatus autem nostri septimo. Mense mai indictione quintadecima.
+ EGO ROGERIUS DUX. ME SUBSCRIPSI.
+ Ego adela dei gratia ducissa.
146
+ Signum guidonis filii roberti magnifici ducis.
+ Signum boamundi.
+ Signum Widelmi de broilo stratigote
+ Signum ubaldi filii ildeprandi.
+ Ego malfridus iudex.
+ Ego petrus filius iohanne crispo
+ Ego alferi filio iohanne
+ Ego ildeprando oneste
+ Ego alferius cervuno
testes
|