137
+ IN NOMINE SANCTE ET INDIVIDUE TRINITATIS ROGGERIUS
divina favente clementia dux Robberti magnifici ducis heres et filius. Si
divinum cultum et sancte ecclesie honorem atque utilitatem debita reverentia
et ordine digno attendimus. profecto circa sanctam dei ecclesiam diligentissimam
curam et solacium adhibere debemus. ut tanto nos superna
pietas gratius protegat. quanto ferventius suam ecclesiam pro viribus exaltari
atque tueri satagimus. Idcirco amore omnipotentis dei qui servilem
carnem sumere et crucis subire patibulum. et mori non dedignatus est ut
nos ab eterna morte liberaret. nec non pro salute anime supra scripti genitoris
nostri et genitricis nostre et statu nostre rei publice per interventu
adele dilecte coniugis nostre. concedimus et confirmamus in monasterio sancti
martiris Laurentii quod constructum est in aversana civitate. ubi nunc deo
tuente dominus Guarinus venerabilis abbas preest. Basilinianum cum omnibus
pertinentiis suis. terris cultis et incultis. olivetis. vineis. pascuis. per hos fines.
A via videlicet que descendit barum usque in montem supra ipsum castellum
balisiniani. Ab alio latere per valle episcopii barensis usque in terra grifi. et
sic descendit usque ad stratam magnam que vadit ad predictam civitatem bari.
Et sanctum nicolaum de bitecte cum omnibus pertinentiis suis et cum usu molendini
et tarpiti tam homnium suorum quam aliorum. quidlibet voluerint macinare
sine nostra nostrorumque hominum contrarietate. et nostrorum heredum
seu successorum ac balivorum. Et sanctam caterinam cum omnibus pertinentiis
suis. Et sanctum oruncium de tarento et quinque et quinque piscatores et
terras ex ipsis cum duobus lintris in mari magno et parvo. et quartum
cum lintre uno in mari magno et parvo et quintum cum una planca. Et
sanctum nicolaum de monopoli cum omnibus pertinentiis suis. Et sanctum
Iohannem de troia qui est situs in monte capillonis cum omnibus pertinentiis
suis. et ipsum montem per hos fines. A parte orientis est carbonarium
castelli. et sic descendit in directum per unam vallicellam et vadit
directe supra burgum. et descendit per medium burgum in stratam maiorem.
A parte meridiei est carbonarium vetus. et ascendit usque in verticem montis
138
et ex eodem latere montis descendit per vallem maiorem usque in viam pupliccam.
et sic tenet via puplica usque ad carbonarium predicti castelli. Concedimus
etiam terram nostre rei puplice pertinentem cum fonte que torricli vocatur
qui habet hos fines. Incipit a limite qui est inter hanc terram et terram
Guidonis diaconi et vadit secus viam magnam puplicam usque carraram que
venit de staphilo. et descendit per predictam carrariam usque magnum limitem.
et deinde vadit per limitem et venit in monticellum qui est in fronte predicti
limitis. et ab ipso monticello ascendit et directe vadit in vallem parvulam.
et pervenit in iamdictum limitem qui est inter hanc terram et terram guidonis
diaconi. et per ipsum limitem vadit in predictam viam magnam. Simulque
concedimus in ipso monasterio totam causam quam trostainus de
mileto in troia a nobis tenuit. exceptis decem villanis et terra pro uno
aratro. et duabus casis quas domine fredelsende uxori geroy dedimus. Confirmamus
quoque et concedimus tibi domino Guarino venerabili abbati eiusdem
ecelesie et posteris tuis pro parte et vice ecclesie tue omnia que Guarinus
dominus salpi et Robbertus dominus baruli dederit et concesserit
monasterio vestro. Ea vero ratione ut omnia suprascripta semper libere sint
in dominio et potestate iamdicti monasterii et abbatis et successorum suorum
et pars ipsius monasterii. Et predictus dompnus Guarinus abbas et successores
sui. licentiam et potestatem habeant in predictis terris et in omnibus
aliis terris nostris ubi voluerint ecclesias edificare et casalem facere
et homines affidare. et vineas. et oliveta. et alia pomifera pastinare et molendina.
furna. et tappeta facere infra predictos fines ubi voluerint. Et neque
a nobis aut a nostris heredibus vel successoribus aut a nostris stratigotis.
Iudicibus. Turmarchis. vicecomitis plateariis vel aliquibus ministeralibus
rei puplice seu quibuslibet hominibus quolibet tempore predictum
monasterium et abbas et successores sui de predictis terris et villanis et de
omnibus edificiis que in eis facienda sunt. aliquod contrarium habeant et
neque ad villanos aliquid datum affidaturam vel plateaticum tollere vel aliquam
angariam facere faciant. Si quis autem temerario ausu harum nostrarum
concessione violator extiterit. sciat se compositurum auri purissimi libras
quinquaginta medietatem camere nostre. et medietatem prefati ipsius monasterii.
et he nostre concessiones sint firme et inconcusse permaneant. Testum
139
vero harum nostrarum concessionum scribere precepimus tibi Grimoaldo
notario nostro. et nostro cum tipario plumbea bulla bullari iussimus.
Anno dominice incarnationis. Millesimo. Nonagesimo secundo. Ducatus
autem nostri. VII. Mensis Maii. Indictione quintadecima.
+ EGO ROGGERIUS DUX me subscripsi.
+ Ego adela dei gratia ducissa.
+ Signum guidonis filius Roberti magnifici ducis.
+ Signum boamundi
+ Signum Willelmi de broilo stratigota.
+ Signum Ubaldi filii aldeprandi.
+ Ego maffridus iudex.
+ Ego petrus filius iohannis crispi.
+ Ego alfefi filio iohanne honeste.
+ Ego diferius cervuno.
+ Ego Aldebrando testes
|