|
383
In Dei nomine. Anno dominice incarnationis millesimo centesimo septuagesimo VI,
Frederico regnante, anno imperii eius (xxi) mense ianuarii, indictione nona. Ut que
geruntur digna memoria firmiter probari queant si alla dubietas super his oriatur, varios
hominum contractus iurisprudentie placuit in scriptis redigi: in his placuit prudentie presertim
transationem, quoniam si a transationibus bona fide interpostis facile discederetur,
nullus esset litium finis. Idcirco transationem quandam bona fide factam inter domnum
Ildibrandum Dei gratia camaldulensem priorem et fratres eius et Adanulfum Dei gratia
aretine ecclesie prepositum et canonicos scribere placuit. Cumque magna discordia esset
inter eos, magnam dico, habita ratione personarum et rerum de locatione quam cum
aliquantis suis fratribus domnus prior fecerat preposito et canonicis de possessionibus
que olim fuere Quintevallis, tandem commisere controversiam istam terminandam domino
Placito abbati de Murano et Rustico Dei gratia aretine ecclesie archidiacono, viris
sapientissimis et honestissimis et discretis, qui causam istam diligenter audirent et terminarent
seu iudicario motu seu per conventionem. Qui, audita utraque parte, nisi sunt
ad amicabilem conventionem controversiam istam perducere, considerantes non decere
tantos viros, qui divino cultui dediti sunt et cotidianis orationibus vacant, forensibus
rumoribus perturbari et a sancto proposito ullo modo cessare. Quapropter de consensu
utriusque partis diligentissime et amicabiliter predictam controversiam sic terminavere
dicentes, quod prior cum consensu fratrum det totum quod habet in castello et curte
p. 512
de Toppole preposito et canonicis, et promittat eis sub pena dupli quod illud totum
dederat eis in locatione, nec ipse nec successores eius, nisi eos prius inquirant, nulli
alii persone dabunt, qui si tollere voluerint dabunt eis, sicuti aliis dare volent sine omni
malitia et sine asto. Quod si tollere voluerint, dent postea cui vetint sine ulla eorum
molestia vel contradictione; quod si non observaverint et ullo titulo alienationis alienaverint
res predictas, incident in penam nisi fecerint, ut supra diximus. Et si homines
de Toppole habent aliquas possessiones in curie de Planettolo, ita de cetero teneant
sicuti hucusque tenuerunt solito servitio utrique castello in omnibus servato. Similiter
preceperunt preposio et canonicis, ut contractum locationis, quem cum eis fecerant,
omni modo rescinderent e ad irritum revocarent, et permutationem de Modiona quam,
dicebatur minus validam esse, omnimodo confirmarent, et in instrumento quod de permutatione
fecerant omnes subscriberent. Prior enim et fratres eius idcirco castellum de
Toppole cum curte eius, quicquid ibi iure habebant, dederunt preposito et canonicis ut
a contractu locationis, quem cum eis fecerant, recederent, et permutationem de Modiona
omnibus modis confirmarent. Iste contractus, qui est do ut facias et facio ut des, dicitur
innominatus, unde datur actio subsidiaria que appellatur in factum. Prior enim dedit
ut isti facerent, isti fecerunt ut ille daret. Unde, si quod absit, alterutra pars contrafecerit,
competeret alteri parti predicta actio; et sicuti abbas et archidiaconus dixerunt
priori quod daret castellum de Toppole et curtem eius et predictam locationem non
alienaret, nisi ut supra diximus. Ita per manum Rainaldi iudicis omnia supradicta fecit
et ei iniunxit ut hoc totum de mandato scriberet. Actum est hoc in presentia totius
capituli heremi fere et eis consentientibus, et in presentia Rustici archidiaconi et plebani
de Partina et Tancredi Richilde, qui etiam datus est, est ut datus eos in possessi(o)nem
mittat, qui et testimonium reddere debet totius negotii.
Ego Ildebrandus prior camaldulensis suscripsi. Ego Iohannes ss. Ego Bouus ss. Ego
Atho ss. Ego Barthotomeus ss. Ego Iohannes ss. Ego Ogdo ss. Ego Petrus ss. Ego lohannes
ss. Ego Rolandus ss. Ego frater Rainerius ss. Ego frater Teuzo ss. Ego Gualfredus
ss. Ego frater Rodulfus ss. Ego frater Guido ss. Ego frater Matheus ss. Ego frater
Rainaldus ss. Ego Albertus (ss). Ego frater Iohannes ss. Ego Iohannes ss. Ego Bonus ss.
Ego Rodulfus ss.
Ego Rainaldus iudex de mandato domni prioris et suorum fratrum hec scripsi et complevi.
| |