259
+ Nos in dei omnipotentis nomine Secundus Richardus divina ordinante
clementia Capuanorum princeps. ad salutem et remedium animarum principum
Richardi scilicet avi et Iordani patris nostri. et ob statum nostri principatus.
Damus. Concedimus et Confirmamus in monasterio Sancti Laurentii levite et
martiris christi. sito prope muros nostre aversane urbis. cui dominus
Guarinus venerabilis abbas preest. quendam fabricatorem Constantinum
nomine cum filiis suis et rebus omnibus eis pertinentibus ut a modo et
deinceps. servientes in predicto monasterio cum prephato domino Guarino
abbati eiusque successoribus pro parte predicti monasterii. in perpetuum. omne
servitium. et censum. et dationes. que nostre parti publice facere et solvere
soliti sunt Remota omni inquietudine. Contrarietate et molestatione omnium
principum et successorum nostrorum vel viceprincipum. Comitum. vel vicecomitum.
Iudicum. Sculdahorum. Castaldeorum. aliorumque omnium mortalium
hominum. Quod si quis diabolica suasione compulsus hoc scriptum violare.
irritumve facere presumpserit. quinque libras auri purissimi persolvat. Medietatem
in predicto monasterio. et prephato domino Guarino venerabili
abbati suisque successoribus et eiusdem monasterii rectoribus atque custodibus
et medietatem nostro sacro palatio. Solutaque pena librarum. hec
nostra datio. concessio. ac confirmatio. firma munita. atque inviolabilis maneat
in perpetuum et ut hoc principale scriptum. firmius credatur. et diligentius
260
ab omnibus observetur. Manu propria. illud corroboravimus et nostri
sigilli impressione iussimus insigniri.
Ex iussione prephate serenissime potestatis. Scripsi EGO QUIRIACUS
iudex in anno dominice incarnationis. M. centesimo. et vicesimo anno
principatus prephati domini Richardi gloriosi principis capue. DATUM Capuam
Mense iunio per octavam indictionem
|