+ In nomine domini dei salvatoris nostri Ihesu Christi Imperante domino
nostro romano magno Imperatore anno septimo decimo: sed et basilio
magno imperatore eius filio anno secundo. Die vicesimasexta mensis februarii
indictione quinta neapoli: Certum est me anna humilem monacha filia
quondam domini niceta et quondam domine theodonande honeste femine
iugalium personarum: A presenti die promtissima voluntate pro domini
ammore et redemptionis anime mee offero et trado vobis domino sergio
venerabili igumeno monasterii sanctorum theodori et sebastiani qui appellatur
casa picta situm in viridario et per vos in eodem sancto et venerabili
vestro monasterio. Idest integra portione memorate genitrici mee de omnem
inmoviliorum hereditate de foris qui ad ea pertinuit per genitoribus
suis una cum arvoribus fructiferis vel infructiferis simul cum introitas
earum omnibusque. ad memorata portione memorate genitrici mee generaliter
pertinentibus qui indivisa reiacet cum portionibus de ceteris consortibus
meis. De qua nihil mihi exinde aliquod remansit aut reservavi nec in alienam
personam commisi potestatem. excepto sex modia per passos mensuratas
sicuti consuetudo est mensurare ad passum ferreum sancte neapolitane
ecclesie ubi eas exinde heligere voluero quem in mea reservavi potestatem
queque exinde facero voluero: Ita ut ha nunc et deinceps memorata integra
portione memorate genitrici mee ex ipsa omnem inmoviliorum hereditate
de foris qui ad ea pertinuit per genitoribus suis una cum arvoribus
fructiferis vel infructiferis simul cum introitas earum omnibusque. eis pertinentibus
unde nihil mihi exinde remansit aut reservavi excepto ipsa sex
modia quem mihi exinde reservavi quatenus sicut superius legitur a me
vobis et per vos in eodem sancto et venerabili vestro monasterio sint oblatum
et traditum ad havendum ibi illud in sempiternum et neque a me memorata
anna humilem monacha neque a meis heredibus nullo tempore
nunquam vos memoratus dominus sergius venerabilis igumenus aut posteris
vestris nec memoratus sanctus et venerabilis bester monasterius quod absit
habeatis exinde aliquando quacumque requisitionem aut molestia per nullum
modum nec per summissis personis ha nunc et imperpetuis temporibus:
atamen protesto ut nullatenus presummetis vos aut posteris vestris aliquod
de hoc quod superius vobis offerui a potestate et condicione memorati vestri
monasteri subtrahere aut alienare per nullum modum et si hoc facere
presummeritis tunc licentiam et potestatem habeant proquinquores parentes
meis illud appreendere et in eodem monasterio illud rebocare perenniter.
veruntamen ubicumque exinde est olibetus ego illud frugiare debeam vite
mee post meum transitum rebertantur in memorato sancto et venerabili
vestro monasterio. Quia ita mihi vone voluntatis complacui: Si autem ego
aut heredes meis quovis tempore contra hanc chartulam oblationis ut super
legitur venire presumserimus et in aliquid offensi fuerimus per quovis
modum aut summissis personis. tunc componimus vobis vestrisque. heredibus
auri solidos triginta sex bytianteos: et hec chartula qualiter continet
sit firma imperpetuum scripta per manus iohannis curialis per indictione
memorata quinta +
Hoc signum + manus memorate anne monacha quod ego qui memoratos
ab ea rogitus pro ea subscripsi +
+ ego theofilatus filius domini stefani rogatus a suprascripta anna
monacha testi subscripsi +
+ ego iohannes filius domini sergii rogatus a suprascripta anna monacha
testi subscripsi +
+ [..............................................................]
[......................] +
+ Ego iohannes Curialis qui memoratos post subscriptionem testium
Complevi et absolvi per indictione memorata quinta +
|