+ In nomine domini dei salvatoris nostri Ihesu Christi Imperante domino
nostro basilio magno Imperatore anno tricesimo septimo: sed et
constantino frater eius magno imperatore anno tricesimo quarto: die
octaba decima mensis ianuarii indictione decima neapoli: Certum est me
stephanum filium quondam sapatini de loco qui nominatur casale territorio
liburiano: A presenti die promicto vobis domino gregorio et domino stephano
uterinis germanis filiis quondam domini stephani propter integra una
clusuria de terra vestra que nominatur fracta pictula posita in memorato
loco una cum arboribus et introitum suum et omnibus sibi pertinentibus
qui et coheret sibi ab uno latere terra domini lupi et domini anastasii sicuti
inter se sepis et fossatus exfinat et ab alio latere coheret terra vestra
quem vos datam abetis ad heredes marini presbyteri ospitibus vestris
sicuti inter se sepis et fossatus exfinat et de uno capite coheret terra
heredes domini iohannis fusculi et ab alio capite coheret via publica: quas
vero memorata clusuria de memorata terra vestra mihi meisque heredibus
dedistitis at laborandum seu detinendum: in eo vero tinore ut in mea
meisque heredibus sint potestatem eos tenendi et dominandi seu laborandi
et seminandi caucuminas et bites ibidem ponendi et plantandi ubi necessum
fuerit et sicut iustum fuerit et super nos per omni annue inferius et
superius recolligendi fruendi et comedendi et de ipsa refugia faciendi omnia
que voluerimus unde nullam sorte pars mihi meisque heredibus exinde queratis
aut tollatis per nullum modum tantummodo ego et heredibus meis
vobis vestrisque: heredibus exinde per omni annuo in sancte marie de augusto
mense dare et persolbere debeamus idest responsaticum triticum modium
quimque bonum siccum tractum paratum usque: ante regia domui vestra
mensuratum at modium quale dant aliis omnibus de memorato loco
de aliis terris vestris: et cum ipsum triticum vobis atducere debeamus omni
annue una focacia bona munda: et nullatenus presumetis vos aut heredibus
vestris mihi meisque: heredibus illos tollere et a quabis personas illos
at laborandum dare per nullum modum dantes et persolbentes ego et heredibus
meis vobis vestrisque: heredibus exinde per omni annue memoratum
responsaticum cum memorata focacia ut super legitur: et nec ego nec heredibus
meis nullatenus presumimus illos alicui venumdare aut infiduciare aut
in pignus supponere aut cedere vel in ecclesia offerre per nullum modum:
et quandoque ego vel heredibus meis illos abrenuntiare voluerimus bene
arbustatum et bitatum licentiam abeamus: et si in memorata clusuria vestra
ad abitandum intrare voluerimus licentiam abeamus cum omni vestra substantias
et quomodo ibidem liberis introimus sic exinde liberis exire debeamus
cum omni nostra substantias et paratum sibe subtus terra aut super terra
et ubi abitare voluerimus nostre sint potestatis: preter sepis de giro in giro
ipsa clusuria exinde non bersemus: verumtamen stetit inter nobis ut si probaricaberimus
memorate sancte marie de memorato augusto mense dies octo
et vobis vestrisque: heredibus non atduserimus memoratum responsaticum
cum memorata focacia et illuc beneritis pro pignorandum tunc nos et heredibus
nostris vobis vestrisque: heredibus et at caballis vestris manducare et
bibere dare debeamus sicut iustum fuerit: et dum illos tenuerimus vos et
heredibus vestris nobis nostrisque illos antestare et defensare debeatis ab
omnis omines omnique persona quia ita nobis: Si autem ego aut heredibus
meis aliter fecerimus de his omnibus memoratis per quobis modum
aut summissis personis tunc compono ego et heredibus meis vobis vestrisque:
heredibus auri solidos viginti quadtuor bythianteos et hec chartula ut
super legitur sit firma scripta per manus petri curialis per memorata
indictione +
+ hoc signum + memorato stephano quod ego pro eum subscripsi +
+ ego gregorius filius domini petri testi subscripsi +
+ ego gregorius filius domini sergii testi subscripsi +
+ ego aligernus filius domini cesari testi subscripsi +
+ Ego petrus Curialis Complevi et absolvi per memorata decima
indictione +
|