275
+ IN NOMINE SANCTE ET INDIVIDUE TRINITATIS. Rogerius
divina favente clementia dux Roberti magnifici ducis heres et filius. Nos
ab omnium conditore et gubernatore dignas mercedes credimus accepturos
si sanctis ac venerabilibus locis curam inpenderimus. et quod iuste ab eorum
cultoribus postulati fuerimus bono ac sincero animo prebuerimus. Idcirco
pro redemptione animarum supradicti genitoris nostri ac genitricis. nec
non et pro salute nostra. Confirmamus in monasterio sancti martiris laurentii
quod constructum est in adversano territorio ubi nunc deo tuente
dominus GUARINUS. venerabilis abbas preest. sanctum nikolaum de bedetta.
et sanctam catelinam cum pertinentiis suis. et basilianum. et sanctam mariam
de grano. et sanctum petrum de aqua iohanne. et sanctum petrum
de babagnia. et unum casalem qui vocatur filina. et sanctum arontium de
taranto. et quinque piscatores. tres ex his cum duobus lintris in mare magno.
et parvo. et quartus cum uno lintre in mare magno. et parvo. et
quintus cum una planca. et sanctam caenapuram que est in territorio polichori.
et sanctum nykolaum salice. et sanctam mariam de colovrata. et
sanctam mariam de sinisi. cum omnibus eorum pertinentiis. Ea vero ratione
ut omnia suprascripta cum pertinentiis illorum semper sint in potestate et
dominio predicti monasterii sancti laurentii et domini Guarini abbatis eorumque
successorum. et liceat eis de omnibus facere quod voluerint. Et
neque a nobis nostrisque heredibus vel successoribus. vel a quibuscumque
actoribus reipublice aut ab aliquibus hominibus inde aliquid contrarium
aut calumpniam habeant. sed ut dictum est omnia cum omnibus illorum
pertinentiis in perpetuum firmiter et quiete. habeant. et que voluerint faciant.
Quod si quis forte temerario ausu huius nostre confirmationis quolibet
tempore violator extiterit. sciat se compositurum auri purissimi libras
triginta. Medietatem camerae nostrae. et medietatem predicto abbati suisque
successoribus. Et hec nostra confirmatio semper firma et inconcussa permaneat.
Textum vero huius nostrae confirmationis tibi grimoaldo notario
nostro scribere precipimus. et nostro cum typario plumbea bulla bullari
276
iussimus. Anno dominicae incarnationis millesimo centesimo secundo. Ducatus
autem nostri septimo decimo. Mense aprili. Indictione decima.
+ EGO ROGERIUS DUX ME SUBSCRIPSI.
EGO RICCARDUS Siniscalcus.
Ego Vinffredus de gravina.
Ego Ugo de gualteri villa.
|