236
+ IN NOMINE DOMINI SALVATORIS NOSTRI IHESU CHRISTI
DEI ETERNI: SECUNDUS RICHARDUS DIVINA ORDINANTE CLEMENTIA
CAPUANORUM PRINCEPS: PRO REDEMPTIONE ANIME
SUE HOC CLEMENTER CONCESSIT ET CONFIRMAVIT.
Notum sit fidelibus dei presentibus et posteris quod Ego Secundus
Richardus gratia dei Capuanorum princeps. ob salutem et remedium animarum
principum Richardi scilicet avi et Iordani patris mei et ob status principatus
mei. do. Concedo. et Confirmo monasterio sancti Laurentii levite
et martiris christi. sito Circa muros aversane urbis. et domno Guarino
eiusdem monasterii venerabili abbati suisque successoribus in perpetuum.
videlicet monasterium sancti Laurentii constructum in Capua. Cum universis
rebus et pertinentiis qualiter modo possidet et dominatur et qualiter sibi
quoquo legali modo pertinere videtur. et ecclesiam sancte Reparate et sancti
blassii cum omnibus pertinentiis suis. et unum molendinum quod est in
vulturni flumine et guarnerius dedit et obtulit prescripto monasterio sancti
Laurentii. Cum portu et cursu aquarum Cum Ripis et omnibus instrumentis
eius. Et medietatem de uno molendino. in predicto fluvio. quam Iozzolinus
dedit predicto monasterio. similiter cum omnibus instrumentis suis. Et ecclesiam
sancti petri sitam ante predictum monasterium sancti Laurentii. et
burgum eiusdem ecclesie quod est situm in ortis et turris quas ugo blancus
dedit eidem monasterio. In ea securitate et libertate sicut continetur privilegio
quod Iordanus princeps pater meus. fecit et concessit prefato monasterio.
et ecclesiam Sancti Nicholai que est in saone. in territorio Calme
cum terris et hominibus et molendinis et cursibus aquarum que sunt in
saone et circa saonem. que Cuilelmus de alno dedit prescripto monasterio
cum omnibus suis pertinentiis. qualiter monasterium modo possidet et dominatur.
et terris et homines et molendina et cursus aquarum que sunt in
loco montanarii que predictus Cuilielmus dedit monasterio. cum omnibus
suis pertinentiis. qualiter monasterium ea modo dominatur. et nepotes presbyteri
bernardi cum terris et omnibus suis pertinentiis qualiter predictus
Willelmus de alno eos tenuit et dominatus est. et prenominato monasterio
237
dedit. Et ecclesiam sancti andree que est in Calmo cum suis pertinentiis.
et ecclesiam sancte andree que est in territorio suesse. cum omnibus que
modo possidet et dominatur. et que ei pertinent. et ecclesiam sancte Marie.
et sancti Iohannis que sita est in territorio mignani. quas Ugo sorellus
dedit et obtulit hospitali predicti monasterii cum omnibus ad eas pertinentibus.
et monasterium sancte Crucis. Quod est in territorio Caiatie cum
omnibus suis pertinentiis. Et casale qued dicitur marzanum frigidum cum
hominibus et omnibus suis pertinentiis. Et ecclesiam sancti martini de matalone.
et ecclesiam sancte marie de Iuliano cum hominibus et omnibus suis
pertinentiis. et ecclesiam sancte marie de Spelunca. et ecclesiam domini salvatoris
de vallo. et ecclesiam sancte marie de domicella. et ecclesiam sancti
angeli de lauro. cum hominibus et cum omnibus earum pertinentiis. et decimationem
nucerie de annona. et de vino. de fructibus et de animalibus.
et ecclesiam sancti Cononis. et ecclesiam sancti Severini que sunt in acerra.
et ecclesiam sancti laurentii que est in territorio suessole et acerre. in pantano
scilicet iuxta boscum cum omnibus earum pertinentiis. et terras et
villanos quos Rannulfus de argontia dedit predicto monasterio in territorio
acerre. et Casollam. et ecclesiam sancte marie cum villanis et pertinentiis
suis. sicuti predictus pater meus et ego ipse dedimus predicto monasterio.
et monasterium sancti Vincentii cum hominibus et omnibus suis pertinentiis.
et duo molendina que sunt in laneo ad pontem silicis et sex villanos
quos omfridus de calvo iamdicto monasterio dedit. Et unum molendinum
pertinens monasterio quod est ad Calabrititum in aqua lanei cum omnibus
pertinentiis suis et predictis villanis et molendinis pertinentibus. et presbyterum
marium qui est in villa guariliani cum tota familia sua et cum
omnibus suis pertinentiis. qualiter tenuit Riccardus filius gunduini qui dedit
monasterio. et ecclesiam de nobole. et terras et villanos sicut princeps Richardus
dedit monasterio. et decimationem de Rapalle quam Ubardus de
claromonte dedit monasterio. et terras et villanos qui sunt in loco piponis.
sicut Raynaldus filius Ugonis dedit monasterio. Et monasterium sancti
blassii quod est prope prescriptum monasterium cum hominibus et omnibus
sibi pertinentibus et Starzam que dicitur de ceraso. quam heredes Ugonis
blanci dederunt monasterio. et ortos et curtisanos qui sunt prope muros
averse sicut ugo blancus dedit monasterio. In quibus prefatus burgus sidus
238
est. et viridarium quod est iuxta forum de die sabbati. et lacum patriensem
cum lintribus et paraturis et piscationibus et universis pertinentiis
suis. sicut pater meus et ego tenui et dominati fuimus. et quicquid iure pertinet
monasterio antiquitus in canalibus et in toto lacu patriensi. et ecclesiam
sancti Renati que in via Cupuli cum omnibus pertinentiis suis sicut sangualo
dedit monasterio. et ecclesiam sancti Angeli de monte christi cum silva et
omnibus sibi pertinentibus et terras de gualdo patrie. quas Rannulfus britto
dedit monasterio. Hec omnia prescripta que dudum pater meus. et ego insimul
prescripto monasterio per privilegium dedimus concessimus et confirmavimus.
nunc iterum ego ipse firmiter in perpetuum predicto monasterio.
do. concedo. et confirmo per hoc meum principale scriptum. et adhibeo ecclesiam
sancti severini videlicet et sancti Cononis que sunt ut predixi. in
acerra. et ecclesiam sancti lauri que est in territorio suessole et acerre. In
pantano scilicet iuxta boscum qui dicitur de maregliano cum hominibus et
universis pertinentiis earum ut predixi. Iterumque do. concedo. et confirmo
prescripto monasterio omnia que post obitum patris mei et in tempore
mei dominatus. adquisivit monasterium sancti Laurentii. videlicet totum
dotarium Alfarane que fuit uxor quondam Robberti de sancta ebremunda
terras scilicet que est zampicari. et villanos et terras de centora. et
ecclesiam sancti Viti que est in loco spanguati. cum universis pertinentiis
suis. et terras. et villanos hereditaneos cum hereditate eorum. et centum
modios terre quos ingerbaldus cum licentia comitis Ugonis domini
sui in predicto monasterio dedit. ego nunc do concedo. et confirmo omnino
qualiter predictus Ugo comes per cartulam predictam ecclesiam sancti viti
et villanos in predicto monasterio sancti Laurentii dedit. et tres villanos
quos Robbertus filius Turstayni in annona meo concessu predicto monasterio
dedit. et centum modios terre qui sunt in territorio Cancie quos herbertus
bardone qui a me illos tenebat predicto monasterio meo concessu optulit.
et nolitum cum villanis et terris qualiter Raynaldus musca in predicto
monasterio dedit et quinquaginta modios terre in gualdo. quos ipse Raynaldus
musca in predicto monasterio dedit. et ecclesiam sancte marie que
vocatur capella. que est prope matalonem cum universis suis pertinentiis.
et villanos omnes cum hereditate eorum qualiter Cerbaldus meus capellanus
in predicto monasterio obtulit. et criptam que vocatur fornicaria cum monte
239
Cervino sicuti vadit via que decernit hunc montem ab alio monte. et ecclesiam
sancti Iohannis que est in territorio Cicale ubi dicitur ad plescum.
cum beneficio suo. et terram quam Ioffridus fessardus in predicto monasterio
meo concessu dedit. et terram quam Rao de pirollo in predicto monasterio
meo concessu dedit. et duos villanos meos cum tota hereditate et familia
eorum nomen uni palumbo cairusus. et nomen alii iohannis alamannus et
cautius petiapanis cum tota hereditate. et familia sua. quem Robbertus de
ponte Indulfi monasterio predicto dedit. et sex modios terre quos mater
Aymonis de argentia cum licentia predicti Aymonis sancto Laurentio dedit.
que sunt prope ecclesiam eandem sancti Iohannis. et hereditatem que fuit
quondam petri maraldi. quam pater meus in predicto monasterio dedit. et
hereditates Iohannis franki. et muski. qualiter predictum monasterium possidet
eas. et quadraginta modios terre quos Roggerius de sancto severino
obtulit in predicto monasterio que sunt ad Cacapici. et Starzam que est ad duplum
quam Thomas de venabile in predicto monasterio dedit. et viginti tres
modios terre qui sunt in gualdo et Ihon filius ermenloth cum licencia mea
et Robbertus de ponte indulfi predicto monasterio dedit. et septem alios
modios terre in forignano pizzulu. et novem modios terre qui sunt ad ceraso.
quos ipse predictus Ihon prefato monasterio dedit. Ita quod medietatem
offeruit. et de medietate excambium suscepit cum licentia Robberti
et mea. et omnes alias terras cultas et incultas. et omnes homines et res
mobiles et immobiles. quas monasterium sancti Laurentii et eius rectores
tenuerunt et dominati fuerunt tempore avi scilicet et patres mei. et nunc
tenent. et omnia que deinceps adquirere iuste et regulariter potuerint. ad
possessionem et potestatem et dominationem predicti abbatis et omnium successorum
suorum. et ordinatorum. et rectorum prefati monasterii Sancti
Laurentii Remota omni contrarietate et molestia omnium mortalium. Preterea
do et concedo prefato Sancto monasterio. et domno Guarino venerabili
abbati eiusque successoribus ut habeant plenam potestatem per omnia
prescripta loca ordinare et statuere Iudices quos voluerint. Quod siquis
diabolica suasione impulsus hoc scriptum violare irritumve facere presumpserit.
Mille auri libras persolvat. medietatem nostro palatio et medietatem
predicto abbati et successoribus suis et rectoribus suprascripti monasterii.
eisque solutis hoc scriptum firmum et inviolabile maneat in perpetuum.
240
Et ut firmius credatur et diligentius ab omnibus observetur manu propria
subscripsi. et meo sigillo iussi sigillari. Horum omnium supradictorum tutor
et defensor contra omnes hostes existo. prout possem meum est.
+ Robertus frater principis
+ Willelmus de pirolo
+ Thomas de venabili
+ Raynaldus Lopinus
+ Stantio viceprinceps.
+ Iosfridus de ponte Indulfi.
+ Cervasius.
Ex iussione prephate serenissime potestatis Scripsi. EGO QUIRIACUS
IUDEX. In anno dominice incarnationis. Millesimo. nonagesimo septimo et septimo
decimo. anno principatus ipsius domini Secundi Richardi gloriosi principis
Capue. DATUM quinto kalendas Septembris per quintam indictionem.
|