Edizione:
Guidonis Fabe Dictamina rhetorica, ed. A. Gaudenzi, "Il Propugnatore", 5, 28-29 (1892), pp. 58-109
CVII.
De potestate ad potestatem pro ratione.
Viro nobili et excelso domino .... potestati Bononie multa
laude et honore digno T. potestas Mutine salutem et sui regiminis
exitum gloriosum. Accedens ad presentiam nostram
P. lator presentium, civis noster honorabilis, et dilectus sua
nobis querimonia monstravit qualiter Martinus civis vester
sibi causa mutui tenetur solvere C. libras, ut patet per pubblicum
instrumentum; de quibus nondum valuit rationem habere,
quamvis sepe, ut dicitur, conquestus fuerit coram vobis
et iamdiu solutionis terminus sit elapsus: de quo miramur
cum vestra civitas sit terra iustitie, a qua emanare fons
sapientie consuevit. Quare nobilitatem vestram propensius
rogitamus, quatenus tam honore persone vestre quam
nostrarum precum intuitu et amore, prefatum nostrum civem
cogere velitis solvere pecuniam memoratam, ita quod noster
civis non cogatur diutius laborare, et nos ob id teneamur
vestra precamina exaudire.
CVIII.
Alia de eadem materia.
Alberto nostro cive diutius conquerente, quod dum vestrum
civem A. coram vobis multotiens conveniret super centum libris
quas ei Bononie, sicut testatur publicum instrumentum,
|
|