(11) Et quia in salutationibus non solum certitudo queritur
personarum sed benivolentia pariter est captanda, ideo simplici
salutatione moderni raro utuntur.
23. (1) DE HIS QUE CONVENIUNT MERITIS MITTENTIUM PERSONARUM. .
(2) Inquirenda sunt ergo merita personarum, ut mittens aliquid
de se dicat et de recipiente similiter, unde possit sibi benivolentiam
comparare. (3) Nam si mittens aliqua dignitate vel
professione gaudet, eam in salutatione cum debita humilitate
tangat, ne videatur superbia tumefactus. (4) Et hoc fit per colorem
qui licentia nominatur, ut: 'Bononiensis episcopus licet in
dignus'; item: 'Divina miseratione vel permissione Bononiensis
episcopus'; item: 'B. gramatice dictus doctor' vel: 'Humilis
gramatice facultatis professor' vel: 'Minimus theologie professor'
vel: 'Iuris canonici modicus propinator'. (5) Magistrum
autem vel dominum se vocare non convenit, quia signum magne
superbie notaretur. Unde caveant sibi iuriste ne in salutationibus
dominos se appellent.
24. (1) QUIBUS CONVENIAT DICERE DEI GRATIA .
(2) Huius modi excusatione utuntur omnes ecclesiarum prelati,