etsi videntibus non tamen volentibus episcopis.
Quo Heribertus audito de rege similiter tractat honore
privando. Secreta igitur legatione suggerit Oddoni, potenti
Franchorum comiti, ut se favente arripiat regnum Italie.
Qui nil moratus, utpote regnandi avidus, primo quidem
aliquas Alamannie partes violenter invadit. Hunc impugnans
viriliter dux Gotefredus vehementi facta congressione
in momento prostravit. Cuiusque capud avulsum
humeris fertur augusto in Italiam direxisse. De cetero
imperator annuam Mediolani vastationem universos regni
primates iurare precipiens obstinato animo repatriavit in
Sueviam eger pedibus et cunctis debilis artubus.
|
|