INCIPIUNT CAPITULA DE OMNIBUS ETATIBUS ET GESTIS, FACTIS
ET ORDINATIS ANTE TEMPUS CHRISTI CITRA USQUE IN HODIERNUM
DIEM INFRASCRIPTI LIBRI DE IMPERATORIBUS ET REGIBUS GRECORUM
ET LATINORUM ET REGUM LONGOBARDORUM ET PONTIFICIBUS,
QUI SUIS TEMPORIBUS FUERUNT, ET ALIIS GESTIS EIUSDEM,
FACTIS ET ORDINATIS.
I. De Ptolomeo Dionisio et de gestis, que fuerunt suo tempore, et aliis baronibus
et de gestis Ponpegii et de morte dicti Pompegii.
. . . . . . . . . . . . . . . . . . . . . . . . . . . . . .
. . . . . . . . . . . . . . . . . . . . . . . . . . . . . .
CLXXXIII. De multitudine puerorum Alamanie.
Manu saec. XIV. Add. : Et de fame valida eodem anno in Apulia et Scicilia.
CLXXXIIII. De disconfita Mediolanensium facta per Cremonenses apud Castrum-Leonis
et de amissione carocii Mediolanensium.
CLXXXV. De Sybilla Tyburtina.
CLXXXVI. De XV signis terribilibus, qui venient prope finem mundi et consumationem
seculi.
CLXXXVII. Incipiunt versus Merlini.
CLXXXVIII. Nomina omnium abbatum Sancti Prosperi.
CLXXXIX. Nomina omnium episcoporum, qui fuerunt in civitate Reg.
INCIPIT LIBER CRONICE IMPERATORUM LATINORUM ET GRECORUM
ET REGUM LONGOBARDORUM ET ALIIS GESTIS.
Incipit cronica imperatorum Latinorum et Grecorum et regum Longobardorum
et aliorum nationum.
Cronica Grece dicitur, que Latine temporum series appellatur. Qualem aput Grecos Eusebius
Cesariensis edidit, et Ieronimus presbyter in Latinam linguam convertit; cronos enim Grece, Latine
tempus interpretatur. Tempora autem momentis, horis atque diebus, mensibus, annis, lustris, seculis et
etatibus dividuntur. Momentum est minimum atque tempus angustissimum, a motu syderum dictum.
Est etiam extremitas hore in brevibus intervallis, cum aliquid sibi quod atque succedit.
INCIPIT PROLOGUS.
Ut futuris omnibus cupientibus nobilium predecessorum virorum strenuis
actibus informari, prout res hystorialiter se habuerunt omnes et singule, procul
dubio veritas innotescat, presens opusculum cum delectatione multimoda factum
extat. In quorum annorum diversarum linguarum nationum et linguarum vel
viarum vivendi regum plurimorum, baronum necnon imperatorum Latinorum et
Grecorum gesta illustria, prospera vel adversa, victorie triumphales, tribulationes
multiplices, et tempore cuius pontificis unusquisque regnavit, veluti cuilibet contigit,
secundum quod percipere potest intellectus humanus, plenissime continentur. |
|