n. 97
Responsiva.
Nuper dum linguae meae gladium de vagina silentii ubi
nedum immiserat, sed etiam fabricarat oblivio, ad certamen
dictaminis quaedam causa necessitatis excuteret,
inventus est tam solida rubigine coopertus, tantisque
tineae morsibus ulceratus quod nisi ad extractionem ejus
limae vestrae laboret asperitas et remigio gratioso nostrae
ratis officia subsequantur, ad palestram dictaminis
jam reperitur inutilis, dum turbata jam cuspide atque
impedimentis quodammodo carceralibus impedita dubitatione
sub obscura nec hostili timeatur incuria nec cautela
tenentibus promittatur. Praesentem itaque gladium
et informem de vestri gratia postulatum benigne
quaeso suscipite, ipsum ex praedictis causis inutilem
magisterii vestri providentia reformantes. Interim si placet
de vestris nobis aliquem commendate quem ante
de novo tunderit favorabilis industria, ut praesidio ejus
munitus inveniar, quousque meus fultus et fervidus redeat
qualis in proprio debeat de magistri reformatione
experiri.
n. 98
Sedentibus super aquas amaritudinis, et in salicibus
organa suspendentibus, Neapolitani studii doctoribus universis,
|
|