Manfredus etc. … castellano.
… fidelis noster sua nobis assertione proposuit quod, dum pridem cum
hominibus de … ad locum quendam extra ipsius terre menia in festo beati
P., cuius ibi vocabulum in die illo solenniter colebatur, accederet, casualiter
accidit quod, tantisper in ipsum fortuna ludente, homines ipsi iocosi,
tunc solatiis resoluti volentes memorabile aliquid festivis donare tripudiis,
eundem … in fontis cuiusdam balneo, sub nove militie solemnitate, lavarunt
et per duos milites abinde transeuntes, ut tyrocinii decus celebrius ageretur,
procuravere balneatum eundem militie cingulo decorari sub veste
rubea et aliis gaudiorum insigniis, ipsum in terram eandem militariter et
exultatione plurima reducentes. Sicque, ne facti huius nova solennitas beneficiorum
liberalitate careret, quamplures ex dictis hominibus habuit ad
plura et diversa pollicita liberales. Sed quos sentiit ad verba tunc faciles, ad
facta nunc reperit contumaces. Super quo eo supplicante sibi per nostram
magnificentiam in favorem militie provideri, devotioni tue precipiendo
mandamus, quatenus, si premissis veritatem repereris suffragari, ne honoris
tanti misterium, quod laudabilem habuit in sua prosequtione congressum,
ludibriosis proventibus evanescat, promissiones quaslibet, quas eidem …
propterea constiterit fore factas, eidem efficaciter facias observari.
Manfredus … et … fidelibus suis.
Non sine quodam compassionis affectu nuper audivimus, quod equantis
omnia mortis impietas novis ictibus vestra communiter pectora
|
|