noluit, et ideo ipse cum filijs suis mala morte perijt. sunt
autem quidam filij obedientes et boni. isti sunt de bono in melius
promovendi, tales enim faciunt patri magnam consolationem et
cordis delectationem. de quibus dicit Salomon: "Erudi filium
tuum, et refrigerabit te et dabit delitias anime tue". alij
sunt filij, qui, si aliquando offendunt, statim ad levem correctionem
patris se corrigunt et patri obediunt. isti non sunt graviter
obiurgandi, sed dulciter admonendi. de quibus dicit Apostolus in
epistola Ad Ephesios: "Vos, patres, nolite ad iracundiam
provocare filios vestros, sed educate illos in disciplina et
in correctione Domini". non enim tales sunt provocandi,
sed in disciplina, idest in morum honestate, sunt educandi.
alij filij sunt duri et superbi et parentibus inobedientes.
tales sunt verberibus flagellandi. de talibus dicit Salomon:
"Qui parcit virge, odit filium suum". qui autem diligit,
illum instanter erudit. et in Ecclesiastico dicitur: "Qui
diligit filium suum, assiduat illi flagella". filij autem erga
parentes humiliter se debent habere, quia debent eos honorare,
eis servire et subministrare; et ad hoc induci debent propter preceptum,
|
|