: Assise regum regni Sicilie

Pag 92


27. De incendiis
Qui dolose domum incenderit, capitis pena plectetur velut
incendiarius.
28. De noxiis medicaminibus
Poculum amatorium vel aliquem cibum noxium quisquis instruxerit,
etiam si neminem leserit, impunis non erit.
29. De eisdem
Mala et noxia medicamenta ad alienandos animos, seu venena qui dederit,
vendiderit, habuerit, capitali sententia feriatur.
30. De iudice depravato
Si iudex accepta pecunia reum quemlibet criminis et mortis fecerit,
capitis periculo subiacebit.
Si iudex fraudulenter atque dolose sententiam contra leges protulerit,
auctoritate iudiciaria inrecuperabiliter cadat, notetur infamia, rebus
eius omnibus publicatis. Quod si iuris ignorantia a iuris sententia
aberraverit, ferens iudicium pro simplicitate manifestum regie misericordie
subiacebit.
In maleficiis voluntas spectatur non exitus.
31. De arripientibus novam militiam
Quicumque novam militiam arripuit contra regni nostri beatitudinem
et pacem sine integritate militie nomine et professione penitus cadat, nisi
forte a militari genere per successionem duxerit prosapiam.
C. I. XII. De tironibus. Nullus tiro ga aut veteranus aut censibus obnoxius ad militia accedat.

Torna all'inizio