Avaritie crimen non effugit qui dare timet quod
duplicatum recipit dum impendit.
Amica est turpitudinis omnis pars que non convenit
suo toti.
Arbor iure creditur succidenda que fructum non
facit in obsequium plantatoris.
Anxiatur mens nimium, dum promissione trahitur
futurorum.
Ars bellandi, si non previdetur quando fuerit
necessaria, non habetur.
Actum de negotio nil creditur, dum supersit aliquid
peragendum.
Arridet in prosperis amicus amico, sei fallax est
cum simulat in adversis.
Ad illius auxilium recurrere consideratur de
cuius gratia nullatenus dubitatur.
Absit quod amicus debeat appellari qui id quod
dicit pro amico negligit adimplere.
Amicorum fidem prosperitas non agnoscit quam
sola novit adversitas experiri.
Amicitia fallax prompta est ad promissa, sed
verax semper reperitur ad exibitionem obsequii
preparata.
B
Bis videtur vincere qui vincit in victoria semet
ipsum.
Bis dari fertur donum celeriter elargitum.
Beneficium libenter accipere nichil aliud est
quam liberalitatem facientibus obligari.
|
|