aut ligabis illum ancillis tuis? Tu confregisti capita draconis, dedisti
eum escam populis Ethyopum.
Abbas Ioachym in libro Figurarum ponit ista verba subsequentia
super capita draconis de quo supra diximus:
Prima persecutio Iudeorum. Tempus apostolorum. Herodes. Primum sigillum.
Secunda paganorum. Tempus martyrum. Nero. Secundum
sigillum.
Tertia hereticorum. Tempus doctorum. Constantinus. Tertium
sigillum.
Quarta Saracenorum. Tempus virginum. Machometh. Quartum
sigillum.
Quinta filiorum Babylonis in spiritu, non littera. Muthselmutus.
Quintum sigillum.
Sexta presens est. Saladinus. Sextum sigillum. Decem reges sunt,
et alius surget post illos, et ipse potentior erit prioribus.
Septima sequitur. Tempus calamitatis et miserie. Hic septimus rex
est, qui proprie dicitur Antichristus, quamvis alius sit futurus post eum,
non minor eo in malicia, designatus in cauda.
Tempus primi sigilli a Iacob patriarcha usque ad Moysen et Iosue.
Secundi a Iosue usque ad Samuelem et David.
Tertii a David usque ad Helyam et Heliseum.
Quarti usque ad Ezechiam.
Quinti ab Eçechia usque ad transmigrationem Babylonis.
Sexti a transmigratione Babylonis usque ad obitum Esdre et Malachie
prophete.
Septimi ab obitu Malachie usque ad patrem Iohannis Baptiste.
In Novo Testamento apertio primi sigilli, a Çacharia usque ad obitum
beati Iohannis evangeliste.
Apertio secundi, ab obitu beati Iohannis usque ad Constantinum
augustum.
Apertio tertii, ex eo usque ad Iustinianum.
Apertio quarti, ex eo usque ad Karolum.
Apertio quinti, ex eo usque ad presentes dies, in quibus sub apertione
sexti percutienda est Babylon. Post erit sabbatismus populo
Dei, qui delectabitur in multitudine pacis, usque ad ultimum Antichristum,
qui exprimitur in cauda draconis. Et in hoc sabbatismo erit apertio
septimi sigilli. Post solvetur Sathanas, qui tunc erit occultus
in paucis, de carcere suo et excitabit extraneas gentes per ultimum
|
|