Alexander Telesinus: De rebus gestis Rogerii Siciliae regis (1127-1135)

Pag 42


illudque tamdiu obsidione cohercuit, quousque Goffridum pro
suo velle subiciens sibi, ipsum etiam caperet oppidum. Quo
audito, comes Alexander, qui pre timore illius aufugerat, immenso
animi merore diutissime consternatus est; deinde in
Dalmatiam profugus iens, non solum exheredatus, verum etiam
patria extorris cogitur manere; qui non longe post, ut ad imperatorem
pergeret secedens, cum ad quendam nemorosum
pervenisset locum, incidens in latrones, omnino cum suis omnibus
depredatus est; qui dein, Avellone positus, ab iis qui hec ipsa
eius ab ore audita nobis nuntiaverunt, egenus valde et pauper
visus est manere.
39
Devicta itaque Matera, Rex super Armentum, munitissimum
oppidum quo Robertus frater predicti Goffridi inerat, venit;
qui Robertus, regia compulsus obsidione, statim se et castrum
Regi subegit. Dein cum obsidem, qualem Rex poscebat,
pro se dare renuisset, Siciliam vinculis mancipandus dirigitur.
40
Post hec vero Rex castra movens super quoddam arduum
et munitissimum castrum nomine Ausum, quo Gofridus Comes
aderat, acceleravit, illudque tamdiu obsidione severissima
circumsedit, quousque comprehensus in Siciliam exilii retrusionis
pena periurii culpam luiturus destinatur.
41
His itaque peractis, ad obsidendum Montem
Pilosum festinat. Ceterum Tancredus audiens subito Regem

Torna all'inizio