gladius pertransivit; jam enim ignis subcensus est
ab eis, qui tangent montes, et fumigabunt; jam
etiam uno amaritudinis turbine singulorum sunt
corda turbata, et eadem amaricatione conquesta,
et dira cogitatione perversa cogitant, omnes ut vel
simul una hora subita terra diglutiat, vel sub fortunae
vexillo rebellent contra facta tuorum, opportunitate
captata.
CAP. III
DICTATOR ALLOQUITUR REGEM.
Non ergo sit tibi suspectus meus calamus, nec
tibi aut tuis linguam meam credas obnoxiam,
aut sermonem in aliquo detractorem, si tua stylo
gesta per terram, quamquam dum virtutum
experientia tua opera claruerunt, praeconiae
linguae decretum laudis apposui, et subsequentia
toti Italiae de tuo dominio commoda diffinitiva
sententia promulgavi: non enim in te adstruxi
vitia haec; tantum duo redargui, cupidinem, ex
qua proveniebant gravamina subditorum, et negligentiam,
qua effrenis tuae gentis excessus remanent
incorrecti. Laudabit te anima mea usque
ad mortem, qui utinam mores gallicos latini
condimento saporis delicate temperasses,
aut croco tusco tuorum superficiem colorasses!
Quis enim est, qui ad stimulum ferreum non recalcitret,
qui non clamet, si baculo contundatur,
et qui non fugit, si lupum contra se videat venientem,
aut si, habens defensionis arma, evaginato
gladio non resistit? si animalia quidem
descritione carentia, carnifice viso, diffugiunt,
et nonnulla, si fugere nequeant, cornupetant,
et resistant, ut cornua funibus non liget manus
carnificis truculenta? Vicisti quidem reges et
bella, et subjugasti gentes, ac, si expedisset,mille
post haec certamina campestria superasses; et
haec tantum duo, quae animi voluntate consistunt,
superare nullatenus potuisti. Certe inexpugnabilis
est gravis animi noxius appetitus.
CAP. IV
INCIPIT INITIUM PANORMITANORUM
SEDITIONIS.
Igitur, domino Auberto de Aurelianis regente
Siciliam officio vicariatus, nonnulli cives panormitani
utriusque sexus ad sollemnizandum
quoddam festum exeunt a terra, quod annali
memoria magno laetitiae jubilo, laetisque tripudiis
gaudiorum consueverunt pascali tempore
celebrare; exeunt, et quamplures advenae juvenes
cum eisdem ex praedictis forsitan arma multi
aliqua deferunt, sed occulte pro curia, nam
|
|