persona submissa ab eis, et omnem litem et quęrimonium refutaverunt
quomodocumque contra eum insurgere possent.
In Cliviano et per eius vocabula Faroaldus dux dedit in hoc
monasterio terras cultas modiorum milium quingentorum arabiles
cum manentibus .XII., usque Frontinum et usque Maclam Felcosam
et usque criptam Machelmi tertiam partem ex omnibus
rebus cum ecclesia Sancti Sabini et ecclesia Sancti Sebastiani et
ecclesia Sanctę Anatholię de Turano. abbas autem qui erat
illis temporibus fecit concambium cum Soldone et dedit illi Sanctam
Anatholiam in Sancta Maria de Loriano. alia omnia remanserunt
ad opus Sanctę Marię. ibi est ędificatum Corvarium.
Defuncto autem pręfato domno B[erardo], orta est inter nos
dissensio de abbate eligendo, nitentibus permaxime qui nos videbantur
regere ut Regizonem Sabinensem episcopum eligerent.
quibus, quamvis minima, saniori tamen confratrum resistente
parte, ab hac quieverunt intentione. continuoque quasi pręcipiti
subitaneoque assensu omnium, contra sanctorum canonum sanctiones,
adhuc instante nocte et necdum humato prędicto migrato
pastore, domnum Rainaldum elegimus. qui licet plenius monasticis
imbutus foret religionibus, tamen moderaminum tam
magni regiminis inscius, et mundialium negotiorum improvidus
atque in nullo pene videbatur satis sagacissimus. cuius indiscrete
factam ideo dicimus electionem, quod eam contra sanctos
canones vidimus fuisse et contra patrum institutiones. denique
Bonifatius papa tertius, residentibus episcopis septuaginta duobus
et pręsbyteris viginti tribus, diaconibus etiam et omni clero Romano,
|
|