«Unice spei et gaudio singulari G. suo dilecto et benedicto
filio, C. devotissima eius mater» vel «D. genitor,
salutem et salutis eterne fructum et filius». Et filius e converso parentum
quemlibet salutabit. Si pater vel mater fuerit in dignitate,
sic scriberet: «G. Dei gratia talis episcopus» vel «prelatus»
vel «talis abbatissa, P. suo filio benedicto salutem et
prosperitatem».
XIV.
De parentibus ad malum filium.
«A. et B. parentes, G. utinam vocando filio pro salute
maledictionem» vel «pro salute angustiam et dolorem»
vel «pro salute verecundiam et dolorem et obbrobrium
sempiternum», vel sic: «G. maledicto filio suo
salutem pro meritis» vel «salutem quem meruit» vel «non
salutem, sed ut Cayn malitie societur», vel «nunquam corporeis
oculis revidere»; vel «salutem quem Lucifer cum ire
filiis acquisivit», vel «salutem, et nunquam a meretricum
natibus separari» vel, «maledictionem et lupanaris sordibus
suffocari», vel «bestiarum dentibus lacerari», vel «inter caupone
pocula» vel «ad caram et potationes consumere dies
suos», vel «inter fures et ioculatores» vel «pocula interire».
XV.
De filiis ad duros parentes.
«A. et B. parentibus utinam meritis evocandis, C. eorum solo
nomine habitus filius salutem et quam tenetur reverentiam ampliorem»,
vel «salutem et paterna aperire viscera indigentie
filiali», vel «salutem et paterne pietatis affectum circa filios
exercere», vel «salutem et filialem carnem odio non habere»,
vel «salutem et errantem filium cum virga pietatis ad mandatorum
semitam revocare», vel «salutem, et non denegare
filio necessaria ministrare», vel «salutem et cordis duritiam
|
|