pariter estis perituri! Deo autem immortali ego meipsam offero
sacrificium, si me dignatur suscipere, licet peccatricem, tamen
Christianam».
Preses autem iussit eam fustibus cedi. Et cum cederetur,
subito terrae motus factus est magnus; et quasi astula de fustibus,
unde cedebatur sancta Dei uirgo, attigit dextrum oculum presidis:
quem oculum post triduum amisit. Tunc repletus furore preses
dedit sanctae Dei puellae capitalem sententiam, dicens quoniam:
«Seraphiam non solum imperialia precepta contemptricem, uerum
etiam tantis deprehensam maleficiis gladio iussi percuti».
Et incisum est caput sanctae uirginis Christi Seraphiae trans
arcum Faustini, iuxta aream Vindiciani ducis ducum. Passa est
|
|