eduxerunt, et sic omnia, que voluerunt, ad libitum asecuti,
Ianuam cum magna redierunt gloria. qualis et quanta civitas
Ianue fuit et est in statu sue perfectionis. [capitulum tertium].
/*
Postquam vidimus qualis et quanta fuit civitas Ianue in statu
sue inchoationis et progressionis, nunc restat videre qualis et quanta
fuit et est in statu sue perfectionis. in quo quidem statu fuit et est
potens et maxima. istum autem statum credimus incepisse ab illo
tempore circa, quo fuit archiepiscopali honore sublimata, quod quidem
fuit anno Domini .M°.CXXXIII. et tunc civitas Ianue
multum cepit crescere et nomen suum ubique terrarum plurimum
dilatare. dignum enim fuit ut tunc inciperet amplius sublimari
quando [honore] archiepiscopali meruit exaltari ut, sicut in ea
crescere cepit spiritualis autoritas, sic et cresceret secularis potestas,
ut divitiis et potentia inciperet esse gloriosior, que
facta fuerat archiepiscopali dignitate sublimior. ab illo igitur
tempore divitiis et gloria multum crevit et multum potentiam,
et dominium ampliavit. in tantum quidem crevit, quod eius
potentiam experta est magnificentia regum, gens Saracenorum
et etiam civitas Venetorum nec non et civitas Pisanorum.
ista autem ostendamus per pauca exempla, que in cronica communis
Ianue invenimus veraci, ut credimus, stillo conscripta.
si omnia, que ibi sunt scripta de ista materia, vellemus
|
|