: Assise regum regni Sicilie

Pag 88


Lex delectum non facit, quis primum debeat conveniri, set, si uterque
est presens, vir convenendus est primum.
Repudium in hac accusatione pretermittendum, neque violentia seu
detentio adhibenda.
19. De officialibus rei publice
Officiales rei publice vel iudices qui in tempore amministrationis pecunias
publicas subtraxerint, obnoxii crimine peculatus, capite puniuntur,
nisi regia pietas indulserit.
Qui sua negligentia bona publica deperire vel minui permiserit, et
in persona propria et in rebus suis constituetur obnoxius; et hoc prospectu
regie pietatis.
20. De furtis
Qui sciens, furanti sinum prebuit, eadem pena tenetur.
21. De crimine lenocinii
Lenas sollicitantes alienam castitatem genus criminis pessimum tamquam
ipsas adulteras puniendas, presenti lege sancimus.
Matres virgines filias venalicias proponentes et maritalia federa fugientes,
ut lenas ipsas persequimur, scilicet ut nasus earum abscidantur; castitatem
enim et virginitatem suorum viscerum vendere inhumanum est et
crudele; quod si filia se ipsam tamen prostituit, mater vero tantum consentit,
iudicis arbitrio relinquetur.
Co. Crimen lenocinii contrahunt, qui deprehensam in adulterio uxorem in matrimonio tenuerit, non qui suspectam adulteram habuerunt.
22. De eodem
Si providentia rege celsitudinis nullo modo patitur inter regni nostri
limitem baronum nostrorum quemlibet alterius castrum invadere, predas
committere, cum armis insurgere, vel inique fraudari, quin pro commisso
bonorum omnium ipsum iactura afficiat; quanto amplius dampnandum
censemus, si compatris vel vicini thorum violare presumpserit quis intolerabile
prorsus de iure videtur. Sancimus itaque si de tali facto nobis aliquando
fuerit proclamatum, et manifestum fuerit vel probatum, bonorum
omnium mulctatione plectendum.

Torna all'inizio