Eodem anno magnanimus Ciso de Campo sancti Petri obiit, amicus interimus Marchionis
et inimicus constantissimus Eccelini.
DE MORTE EPISCOPI MANTUANI. - Anno Domini 1236 vir nobilis et venerabilis Vidotus
episcopus Mantuanus in monasterio sancti Andree in diebus rogationum ab Advocatis est
crudeliter interfectus. Contra quos insurrexerunt communiter Mantuani, et destructis eorum
domibus et turribus, ipsos de Mantua cum fautoribus suis expulerunt.
Per idem tempus honorabilis Arnaldus fecit fieri dormitorium Sancte Iustine cum capitulo et
cameris infra positis et adiacentibus simulque cameras palacii cum aula fecit optime restaurari.
Tunc Federicus imperator in augusto mense persuasione Cremonensium et Ecelini descendit
de Alamania cum exercitu et venit Veronam; et vastatis Mantuanis in Lombardiam
transivit.
QUALITER IMPERATOR FEDERICUS CEPIT VICENTIAM. - Eodem anno cum marchio et Paduani
communiter Rivaltam, que est super Atexin obsiderent, Ecelinus et Veronenses miserunt
pro Federico imperatore, qui tunc erat in partibus Lombardie. Qui subito veniens cum militia
Theotonicorum et Ecelinus cum populo veronensi impetuose Vicentiam invaserunt. Paduani
vero, timore perterriti, ad propria sunt reversi. Adepta itaque hac victoria, imperator statim
in Alemaniam est reversus, sed ante suum recessum ex Vicentia in die omnium sanctorum
crudeliter eam fecit comburi, relinquens in Marchia pro negotiis imperii pertractandis comite
Contoiclo de Sansonia et comite Simone Teastensi. His temporibus, mortuo rege Ungarie
et regnante Bela filio eius pro eo, imperator legatum ad regem Ungarie destinavit. Tunc
Beatrix regina, cum esset gravida, timore sui crudelis privigni, iunxit se in reversione in societate
imperialium legatorum, induta veste virili; et sic deluso rege, qui faciebat eam cum
|
1
5
10
15
20
|