Salimbene de Adam: Cronica

Pag 845


ex parte exteriorum, qui habitant in Saxolo, mortui sunt mille
quingenti.
Cathalogus interfectorum de Mutina.
Inter quos principales fuerunt isti qui subsecuntur, scilicet dominus
Matheus de Monte Cúculo, dominus Guilielminus de Monte
Vejo, dominus Pontius Provincialis, capitaneus soldaliciorum interiorum,
dominus Gerardus Rangonus, dominus Ghirardinus de Boschettis,
dominus Iohannes de Rosa, dominus Archipresbiter de
Baçoara de Presulis, dominus Rainerius de Dentibus de Balugula,
Raimunduçus de Garxonibus, dominus Nordulus de Liviçano,
dominus Nevus de Liviçano, dominus Giliolus de Poltoneriis, Bartholomeus
de Campilio, dominus Thomas de Lovoléto, Ardecio
de Lovoléto, dominus Niger de Lecca Terra (hic fuit optimus
preliator et lancee vibrator et proiector); item Karentanus de
Carentánis, Mutinensis de Riciis, Çacharias de Tripino, Franciscus
de Speçano, Thomas de Speçano. Explicit cathalogus Mutinensium
interfectorum, qui mortui sunt in bello, tempore valide
guerre quam inter se propter suam stultitiam habuerunt. Ipsi
viderint!
De Ianuensibus et Pisanis, qui duabus vicibus mutuo sunt congressi.
Nunc de Ianuensibus aliquid est dicendum. Dominus Obertus
de Spinola in Ianua dominatur, et anno Domini MCCLXXXV,
octavo die intrante Iunio, cum centum galeis ivit ad portum Pisanum,
volens ipsum expugnare et capere; et Lucenses venerant contra
Pisanos cum exercitu suo ad Ripam Fractam, ubi est castrum
Pisanorum iuxta fluvium Hauserith, et destruebant territorium
Pisanorum, scilicet segetes et vineas, et domos comburebant. Et
precedenti millesimo Ianuenses et Pisani bis habuerant conflictum
adinvicem bello marino. Et Pisani succubuerant, ita ut ex parte
Pisanorum inter mortuos et captivos caderent decem milia, ex

Torna all'inizio