PARTICULA XVI.
De restauratione templi et de regibus Persarum usque ad Alexandrum
Magnum et de Sibilla.
1. De rege Persarum Dario, filio Istapis, qui templum Domini restauravit.
Darius iste, filius Istapis etc.
6. . . . . . . . . . . . . . . . . . . . . . . . . . . . . . . . . . . . . . . . . . .
Intima Danubii nunc preripuere Siccambri,
Tollere iam satagunt que Baguarus irrigat amnis,
Inclita Patavie climata victa favent.
11. . . . . . . . . . . . . . . . . . . . . . . . . . . . . . . . . . . . . . . . . .
Signa Sicambrina Troianaque prelia magna
Sentit et orrescit validissima gens Alemanna,
Terraque Germana rura tuenda parat.
Regnum Baguaricum nunc arma Siccambria tollunt,
Litora Danubii sibi vectigalia solvunt,
Prelia iam Renus reddit ad arma ferus.
21. Sicambri eodem tempore Iermaniam occupaverunt, unde extunc Iermani sunt appellati.
Iam quasi quingentis tempus defluxerat annis,
Cum sua Germanis infligunt bella Sicambri,
Igne, fame, gladiis innumerisque malis.
Litora Danubii pretiosaque litora Reni
Allexere duces, fluviique meatus ameni, Terraque luxurians dicit: Amande, veni.
Tanto quippe nitet super omnia regna decore,
Ut domini nimio Reni capiantur amore,
Unde sibi patrias has retinere volent.
Ammodo Germani cupiunt de more vocari,
Moribus et lingua cum Teutonicis variari;
Lingua magis placuit, qua Mogus amne cadit.
Proienies Priami Germanica nomina querit,
Et cupit a Reno populus Germanus haberi,
Terra Sicambra perit, nemo Sicamber erit.
23. Quod Iermani et Romani a Troia venerunt, et quasi pares et confratres sunt estimandi.
Dum fortuna duces Germanos leta decorat,
Crescit et alta sonat super omnia climata Roma,
Cuius ad inperium prelia magna tonant.
Hanc quasi reginam metuit satis hora marina,
Terra Cisalpina timet adventante ruina,
Set loca Germana gaudia magna parant.
Nam quos Troia suos olim generavit alumnos,
Romanos et Germanos videt undique summos,
Et quasi consocios semper habebit eos.
Esseque Romanum Troianum causa fatetur,
Germanus patriota suus fraterque videtur,
Mater eis populis Troia vetusta fuit.
Nec populo populus nunc armis subicietur,
Set regni quasi consocius fraterque putetur,
Pace simul coeunt, publica iura petunt.
Germanus populus civis Romanus habetur,
Communis populus regnum commune tenetur, Set tenet imperium Roma regitque decus.
|
|