1. Cum in diebus Robaldi, Albanensis episcopi, ferentis infulam archiepiscopatus
Mediolanensis, ingens dolor instaret Mediolanensibus pro suis militibus et civibus captis
Cremone atque Papie, non sum inmemor Armani de Gavardo, qui sub specie religionis
plantavit quandam radicem novitatis, que paulatim non solum Mediolanensem ecclesiam,
sed regnum Longobardorum per omnes suos status fere perturbavit, donec Bernardus, abas
Clarevalensis, ad expelendum demones et ad sanandum et ad erigendum infirmos contritos
secundum iussum hominum Mediolanum intravit.
2. Armanus enim ille monachus, quasi Cardinalis Romanus et a parte Brisiensium
civium atque favore comitissae Matildis in ecclesia Brisiensi electus episcopus, defuncto
Arnulfo archiepiscopo Mediolanensi, ad alium eligendum venit. Qui ubi sensit, nobilem
multitudinem Mediolanensium convenire ad eligendum Landulfum de Badagio, sancti Ambrosii
canonice prepositum, in archiepiscopum, virumque moribus et vita quam bene ornatum,
substitit et electioni illi non consensit. Corona unde vulgi, gratia Romane ecclesie et
Brisiensis ac Matildis comitisse favore putans, illum fore virum religionis, mox ubi sensit,
illum Armanum huic electioni abesse, cepit adversus ipsam electionem insanire, et clericos
et sacerdotes pugnis et fustibus vehementer lacerare, virum quoque de.... civibus Paganum
nomine et in porta Horientali.... in ipsa ecclesia, que dicitur Yemalis, presumpsit
|
1
5
10
15
|