clemenciam, ut eadem precepta, ac legales scripciones, nec non
predia per diversos fines regni Italici coniacencia idem cenobio collata,
per nostre confirmacionis preceptum in prefatum venerabilem
locum concederemus, et confirmaremus. cuius peticionibus faventes,
pro Dei amore animarumque nostrarum remedio, per hoc
nostre confirmacionis preceptum, prout iuste ac legaliter possumus,
concedimus et confirmamus, ac penitus corroboramus in predicto
cenobio Christi Martiris Vincencii omnia precepta precessorum nostrorum
imperatorum et regum, videlicet Desiderii, Karoli, Lodovici,
atque Lotharii, verumtamen omnes res et possessiones per
diversas fines regni Italici posita, per eadem precepta, vel quolibet
legali scripciones a principibus, ducibus, reliquisque fidelibus ibidem
collatas, nec non monasteria, et cellas inferius nominatas); primitus
videlicet declarantes ipsas hereditates, que circumdant ipsum
monasterium per has quoque fines: (incipiente itaque fluvio, quod
dicitur Sangro, deinde per montes puplicos usque in monte, qui
dicitur Azze, et sic revolvente monte eodem usque in fluvio, quod
dicitur Melfa, et quemadmodum decurrit ipsa Melfa usque ubi
|
|