: Assise regum regni Sicilie

Pag 34


Solent sancto voto atque proposito sanctis occasionibus pravitas se ingerere,
et dei servitium atque ecclesie ministerium perturbare. Ne ergo
sinistrum aliquod aliquando possit nostris institutionibus obviare, si forte
in rure vel in vico ecclesia assignatos habuerit sacerdotes quibus decedentibus
sint alii subrograndi et domini ruris vel vici super ascripticiis, episcopo
fieri subgorationem negaverint, presertim cum ex ipsis ascripticiis persona
ydonea ab episcopo expectatur, dignum nostre clementie videtur,
atque iustissium ad iustam petitionem ecclesie ascripticiorum dominum
iure cogendum; filii vero decedentis presbiteri ad asripticiorum condicionem
reddatur omni occasione remota.
XI. De raptum virginum
Si quis rapere sacratas deo virgines aut nondum velatas causa iungendi
matrimonium presumpserit, capitali pena feriatur, vel alia pena quam
regia censura decreverit.
XII.
Iudeus paganus servum christianum nec vendere, nec comparare
audeat, nec ex aliquo titulo possidere seu pignori detinere. Quod si presumpserit,
omnes res eius infiscentur, et curie servus fiat. Quem si forte
ausu vel nefario vel suasu circumcidi vel fidem abnegare fecerit, capitali
supplicio puniatur.
XIII. De apostatantibus
Apostantes a fide catholica penitus execramus, ultionibus insequimur,
bonis omnibus spoliamus, a professione vel voto naufragantes legibus
coartamus, succesiones tollimus, omne ius legitimum abdicamus.
XIV. De ioculatoribus
Mimi et qui ludibrio corporis sui questum faciunt, publico habitu
earum virginum, que deo dicate sunt, vel veste monachica non utantur,
nec clericali; si fecerint verberibus publice afficiantur.
XV. De pupillis et orphanis
Pupillis et orphanis pietatis intuitu, multa privilegia priscis legibus confirmata
pro qualitate temporum quibus absolverint in ultimo

Torna all'inizio